Qazaqstandyq T&T Security kompaniiasy kiberqaýipsizdik salasynyń álemdik kóshbasshysy Trend Micro Incorporated kompaniiasymen yntymaqtasady. Búgin atalǵan kompaniialar ǵylymi jáne tehnikalyq yntymaqtastyqty bastaý týraly kelisimge qol qoidy, dep habarlaidy QazAqparat.
«Bul bizdiń ministrlik úshin de óte qýanyshty oqiǵa. Biz T&T Security ónimderimen alǵash ret 2016 jyly tanysqan edik. Sol kezde tanymal emes qazaqstandyq ónimdi satyp alyp, ministrlikte tabysty engizdik. Biz qýanyshtymyz, sebebi kiberqaýipsizdik salasynda álemdik jetekshi kompaniialardyń biri Trend Micro Incorporated pen T&T Security qazaqstandyq ónimdi ázirleý jáne nyǵaitý boiynsha ózara mindetteme alady», - dedi shara barysynda QR Tsifrlyq damý, innovatsiia jáne aeroǵarysh ónerkásibi ministrliginiń Aqparattyq qaýipsizdik komiteti tóraǵasynyń orynbasary Rýslan Ábdiqalyqov.
Onyń aitýynsha, vedomstvo barlyq ýaqytta da qazaqstandyq ázirleýshilerge qoldaý kórsetip keledi.
«Bir jaǵynan munda bizdiń ministrliktiń de eńbegi bar dep esepteimiz. Óitkeni, osy jyldar boiy biz otandyq ázirleýshilerdi qoldaýǵa tyrystyq jáne bul isti jalǵastyryp ta kelemiz. Sol arqyly elimizdegi shaǵyn ári eshkimge belgisiz ónim memlekettik qoldaýdyń kómegimen kiberqaýipsizdik salasyndaǵy álemdik kóshbasshylarmen kelisimshart jasasý deńgeiine deiin shyǵa alatyndyǵyna úlgi retinde kórsetkimiz keledi», - dedi Rýslan Ábdiqalyqov.
