IIM jedel shtabynyń otyrysynda Ishki ister ministri Erlan Turǵymbaev meditsinalyq qyzmetkerlermen birge karantindik is-sharalarǵa qatysatyn politsiia qyzmetkerlerin jeke tynys alý joldaryn qorǵaý quraldarymen qamtamasyz etýdi tapsyrdy. IIM basshysy qylmystyq-atqarý júiesi mekemeleriniń óndiristik bazasyn paidalaný qajettigin atap ótti.
Osy jumys sheńberinde Qylmystyq-atqarý júiesi komiteniń «Eńbek» respýblikalyq memlekettik kásiporny qorǵaý buiymdarynyń úlgilerin daiyndady, olardy daiyndaýǵa belgilengen tártippen tiisti sertifikat alyndy. Standartqa sáikes, buiym materialy gipoallergendi bolyp tabylady, shańnan qorǵaý qasietterine ie jáne infektsiialyq aýrýlardyń táýekelderin azaitady.
«Qazir barlyq jeke quram erekshe jumys rejiminde jumys isteidi. Meditsinalyq qyzmetkerlermen tyǵyz qarym-qatynasta karantindik is-sharalarǵa qatysady. Kún saiyn jasaqqa 12 myń politsei jáne Ulttyq ulannyń áskeri qyzmetshileri túsedi jáne biz úshin olardyń árqaisysynyń densaýlyǵy biz úshin mańyzdy. Men túzeý mekemeleriniń tigin tsehtarynda basqa ónimdermen qatar qorǵanys maskalaryn daiyndaýdy tapsyrdym. Bul bir jaǵynan osyndai buiydarǵa degen suranysty qamtamasyz etedi, ekinshiden – biz sottalǵandardyń eńbekpen qamtylýyn qamtamasyz etemiz, munyń da mańyzy bar», - dedi Ishki ister ministri Erlan Turǵymbaev.
Búginde qylmystyq-atqarý júiesi mekemeleriniń óndiristik alańdarynda myńnan astam tigin stanoktary jumys isteidi. Ishki ister organdarynyń qyzmetkerleri paidalanatyn bir rettik, sonymen birge kóp ret qoldanylatyn qorǵanysh maskalaryn tigý jolǵa qoiyldy.
«Jaqyn arada biz barlyq jeke quramnyń qajettiligin qamtamasyz etemiz. Sonymen qatar, sottalǵandardyń eńbekpen jáne eńbekaqymen qamtamasyz etemiz, munyń da qazirgi ýaqytta mańyzy bar», - dep atap ótti IIM basshysy.
24 myń maskanyń birinshi partiiasy bas bostandyǵynan aiyrý oryndarynda ustalatyn adamdarǵa, sondai-aq ishki ister organdarynyń qyzmetkerlerine beriletin bolady. Jalpy el boiynsha óndiristik qýaty táýligine 50 myń maskany quraidy.
