«Nomad Stunts» qazaqstandyq kaskaderler toby Warrior kinosyna túsip jatyr, dep habarlaidy QazAqparat tilshisi.
Olar Netflix pen HBO jobalaryna qatysyp jatyr.
Qazir kaskaderler OAR Keiptaýn qalasynda Cinemax/HBO kinokompaniiasynyń Warrior («Jaýynger») filminiń ekinshi maýsymyna túsirilim jumystaryn qatysý úshin jattyǵyp jatyr.
Serial ideiasynyń avtory - Briýs Li, jobanyń shoýranneri - Djonatan Tropper, rejisser - Djastin Lin («Forsaj 5 i 6», «Jekpe-jek», «Naǵyz detektiv» serialy).
Film 19 ǵasyrdyń basyndaǵy oqiǵalardy sýretteidi.
Basty keiipker - jas qytai emmigranty, shyǵys jekpe- jeginiń sheberi qalasyndaǵy buzaqylar soǵysyna ilinip ketedi.
Serialdyń birinshi maýsymy álemdik prokatqa 5 sáýirde shyǵady.
Warrior serialynyń qoiýshysy Hitz International halyqaralyq uiymynyń jetekshisi - Brett Chan. Nomad Stunts jetekshisi Jaidarbek Kúnǵojinov bul uiymnyń músheliginde bar.
Sonymen qatar, qazaqstandyq kaskaderler Netflix kompaniiasynyń jańa jobasyna qatysý úshin arnaiy kastingten ótti. Túsirilim jumystary Chehiiada júrgiziledi.
«Jańa Zelandiiada Disneydiń «Mýlan» serialyna túsirilim jasap jatqan kezde osy jobaǵa shaqyrtý keldi. Ázirge serialdyń ataýyn aita almaimyz. Bul - tarihi kartina. Bizdiń qyzymyz Jibek Jappasbaeva basty róldegi keiipkerdi somdaityn bolady. Qazirdiń ózinde ol semserlesýden sheberlik sabaqtaryn alýdy bastap ketti», - dedi Nomad Stunts jetekshisi, QR Eńbek sińirgen qairatkeri Jaidarbek Kúnǵojinov.
Aita ketý kerek, otandyq kaskaderlerdiń filmografiiasynda bul birinshi joba emes. 2014-2016 jyldary Nomad Stunts Marco Polo serialynyń eki maýsymynda óner kórsetken bolatyn.
Nomad Stunts - osy ýaqytqa deiin «Mýlan», «Tobol», «Tomiris», «Neýderjimye 2», «47 roninov», «Kóshpendiler», «Mońǵol», «Viking», «Myń bala», «Anaǵa aparar jol», «Ertýgrýl» serialynda, bollivýd filmderi «Manikarnika: Koroleva Djhansi», «Hýndistan basbuzarlary» kinolarynda oinap úlgerdi.
Olar Gollivýd pen Bollivýdtiń belgili stýdiialarymen jáne tanymal rejisserlerimen bailanys ornatqan.
