QR Indýstriia jáne infraqurylymdyq damý vitse-ministri Marat Qarabaev álemdik arenada tabysty jumys istep jatqan qazaqstandyq kompaniialardy atady, dep habarlaidy QazAqparat.
«Mashina jasaý salasyn damytýdy jol kartasy aiasynda óndiris kólemi 5 ese ósip, 2020 jyldyń qorytyndysy boiynsha 1,8 trln teńgege jetti. Salaǵa tartylǵan investitsiialar 3 esege ósip, 63 mlrd teńge boldy. 2021 jyldyń 7 aiynda naqty kólem indeksi 123% - ǵa jetti. Aýyl sharýashylyǵy mashinalaryn jasaý sektory 3 ese, temir jol mashinalaryn jasaý 45% jáne avtomobil jasaý 35% ósim kórsetti. Bul – eń joǵary kórsetkishter», - dedi ol Qazaqstan mashina jasaýshylarynyń IH forýmynda.
Marat Qarabaevtyń aitýyna qaraǵanda, salada eksport aitarlyqtai ósim kórsetip, 642 mln dollardyń ónimi syrtqa satylǵan.
«Eksporttalatyn mashina jasaý ónimderiniń nomenklatýrasy keńeitildi jáne qazir bizdiń kásiporyndar dástúrli ótkizý naryqtarynan basqa Ázerbaijan, Tájikstan, BAÁ, Túrikmenstan jáne Qytai siiaqty elderge eksporttaidy.
Jahandyq qosymsha qun jasaý tizbegine tabysty kirigýdiń jarqyn mysaly retinde «Silýmin-Vostok» JShS-niń frantsiialyq «Shnaider elektrik» kompaniiasymen birlesip elektr taratý apparatýrasyn óndirýdi qolǵa alǵanyn aitýǵa bolady. Óskemen titan-magnii kombinaty koreialyq «POSKO» kásipornymen birlesip titan quimalar men buiymdaryn «Eirbas», «Rolls Rois» kompaniialaryna eksporttaýda. Almatydaǵy jeldetkish shyǵaratyn zaýytyn koreialyq LG transulttyq korporatsiiasyna ónim daiyndap otyr», - dedi vitse-ministr.
