قر يندۋسترييا جەنە ينفراقۇرىلىمدىق دامۋ ۆيتسە-مينيسترٸ مارات قاراباەۆ ەلەمدٸك ارەنادا تابىستى جۇمىس ٸستەپ جاتقان قازاقستاندىق كومپانييالاردى اتادى, دەپ حابارلايدى قازاقپارات.
«ماشينا جاساۋ سالاسىن دامىتۋدى جول كارتاسى اياسىندا ٶندٸرٸس كٶلەمٸ 5 ەسە ٶسٸپ, 2020 جىلدىڭ قورىتىندىسى بويىنشا 1,8 ترلن تەڭگەگە جەتتٸ. سالاعا تارتىلعان ينۆەستيتسييالار 3 ەسەگە ٶسٸپ, 63 ملرد تەڭگە بولدى. 2021 جىلدىڭ 7 ايىندا ناقتى كٶلەم يندەكسٸ 123% - عا جەتتٸ. اۋىل شارۋاشىلىعى ماشينالارىن جاساۋ سەكتورى 3 ەسە, تەمٸر جول ماشينالارىن جاساۋ 45% جەنە اۆتوموبيل جاساۋ 35% ٶسٸم كٶرسەتتٸ. بۇل – ەڭ جوعارى كٶرسەتكٸشتەر», - دەدٸ ول قازاقستان ماشينا جاساۋشىلارىنىڭ ٸح فورۋمىندا.
مارات قاراباەۆتىڭ ايتۋىنا قاراعاندا, سالادا ەكسپورت ايتارلىقتاي ٶسٸم كٶرسەتٸپ, 642 ملن دوللاردىڭ ٶنٸمٸ سىرتقا ساتىلعان.
«ەكسپورتتالاتىن ماشينا جاساۋ ٶنٸمدەرٸنٸڭ نومەنكلاتۋراسى كەڭەيتٸلدٸ جەنە قازٸر بٸزدٸڭ كەسٸپورىندار دەستٷرلٸ ٶتكٸزۋ نارىقتارىنان باسقا ەزەربايجان, تەجٸكستان, باە, تٷرٸكمەنستان جەنە قىتاي سيياقتى ەلدەرگە ەكسپورتتايدى.
جاھاندىق قوسىمشا قۇن جاساۋ تٸزبەگٸنە تابىستى كٸرٸگۋدٸڭ جارقىن مىسالى رەتٸندە «سيلۋمين-ۆوستوك» جشس-نٸڭ فرانتسييالىق «شنايدەر ەلەكتريك» كومپانيياسىمەن بٸرلەسٸپ ەلەكتر تاراتۋ اپپاراتۋراسىن ٶندٸرۋدٸ قولعا العانىن ايتۋعا بولادى. ٶسكەمەن تيتان-ماگنيي كومبيناتى كورەيالىق «پوسكو» كەسٸپورنىمەن بٸرلەسٸپ تيتان قۇيمالار مەن بۇيىمدارىن «ەيرباس», «روللس رويس» كومپانييالارىنا ەكسپورتتاۋدا. الماتىداعى جەلدەتكٸش شىعاراتىن زاۋىتىن كورەيالىق LG ترانسۇلتتىق كورپوراتسيياسىنا ٶنٸم دايىنداپ وتىر», - دەدٸ ۆيتسە-مينيستر.
