Qazaqstandyq kásipkerler Syrtqy saýda palatasynan fors-major jaǵdaiy týraly anyqtama ala alady. Bul týraly «Atameken» UKP kásipkerlerdi quqyqtyq qorǵaý departamentiniń direktory Shyńǵys Temir aityp berdi, dep habarlaidy QazAqparat.
«Tótenshe jaǵdai rejiminiń engizilýi de úlken fors-major bolyp sanalady. Prezidenttiń TJ engizý týraly Jarlyǵynda biznestiń jekelegen túrlerine qyzmetin toqtata turýy kerek nemese shekteýi qajet dep kórsetilgen. Iaǵni, Jarlyqqa sáikes, bul biznestiń óz qyzmetin júzege asyrýǵa quqy joq. Ári qarai ne isteý kerek? Fors-major jaǵdailary týraly kýálik alý úshin kásipkerler Syrtqy saýda palatasyna júgine alady. Ol úshin biz qujattardy zertteýdiń jeńildetilgen rejimine aýystyq», - dedi Sh. Temir onlain-brifingte.
Onyń aitýynsha, qujattardyń skanerlengen kóshirmesin onlain@atameken.kz mekenjaiyna onlain jiberýge bolady.
«Barlyq suraqtar boiynsha 1432 bailanys ortalyǵyna habarlasýǵa bolady. Sonymen birge, anyqtama berýdi 15 kúnnen 5 kúnge deiin jedeldetip, tótenshe jaǵdai kezinde tegin berýdi uiǵardyq», - dedi ol.
