قازاقستاندىق كەسٸپكەرلەر سىرتقى ساۋدا پالاتاسىنان فورس-ماجور جاعدايى تۋرالى انىقتاما الا الادى. بۇل تۋرالى «اتامەكەن» ۇكپ كەسٸپكەرلەردٸ قۇقىقتىق قورعاۋ دەپارتامەنتٸنٸڭ ديرەكتورى شىڭعىس تەمٸر ايتىپ بەردٸ, دەپ حابارلايدى قازاقپارات.
«تٶتەنشە جاعداي رەجيمٸنٸڭ ەنگٸزٸلۋٸ دە ٷلكەن فورس-ماجور بولىپ سانالادى. پرەزيدەنتتٸڭ تج ەنگٸزۋ تۋرالى جارلىعىندا بيزنەستٸڭ جەكەلەگەن تٷرلەرٸنە قىزمەتٸن توقتاتا تۇرۋى كەرەك نەمەسە شەكتەۋٸ قاجەت دەپ كٶرسەتٸلگەن. ياعني, جارلىققا سەيكەس, بۇل بيزنەستٸڭ ٶز قىزمەتٸن جٷزەگە اسىرۋعا قۇقى جوق. ەرٸ قاراي نە ٸستەۋ كەرەك? فورس-ماجور جاعدايلارى تۋرالى كۋەلٸك الۋ ٷشٸن كەسٸپكەرلەر سىرتقى ساۋدا پالاتاسىنا جٷگٸنە الادى. ول ٷشٸن بٸز قۇجاتتاردى زەرتتەۋدٸڭ جەڭٸلدەتٸلگەن رەجيمٸنە اۋىستىق», - دەدٸ ش. تەمٸر ونلاين-بريفينگتە.
ونىڭ ايتۋىنشا, قۇجاتتاردىڭ سكانەرلەنگەن كٶشٸرمەسٸن onlain@atameken.kz مەكەنجايىنا ونلاين جٸبەرۋگە بولادى.
«بارلىق سۇراقتار بويىنشا 1432 بايلانىس ورتالىعىنا حابارلاسۋعا بولادى. سونىمەن بٸرگە, انىقتاما بەرۋدٸ 15 كٷننەن 5 كٷنگە دەيٸن جەدەلدەتٸپ, تٶتەنشە جاعداي كەزٸندە تەگٸن بەرۋدٸ ۇيعاردىق», - دەدٸ ول.
