Qazaqstandyq kásipkerler úshin salyqty esepteý jeńildetildi jáne basqa tólemder alynyp tastaldy, dep habarlaidy "Ult aqparat".
Pandemiiadan zardap shekken sektorlarda jumys isteitin kásipkerler úshin jańa bólshek salyqtyń arnaýly salyq rejimi engizildi.
Endi olarǵa ainalymnan 3% mólsherinde korporativtik nemese jeke tabys salyǵyn tóleý jetkilikti.
Bul shara Memleket basshysynyń tapsyrmasyn oryndaý sheńbrinde engiziledi jáne ýaqytsha – onyń qoldanylýy 2022 jyldyń sońyna deiin jalǵasady.
Memlekettik kirister komitetiniń baspasóz qyzmeti habarlaǵandai, rejim erikti.
Ol QR Kásipkerlik kodeksine sáikes shaǵyn jáne orta kásipkerlik sýbektileri bolyp tanylǵan jáne osy rejimdi qoldaný maqsatynda QR Úkimetiniń qaýlysymen anyqtalǵan qyzmettiń bir nemese birneshe túrin júzege asyratyn shaǵyn jáne orta kásipkerlik sýbektileri úshin kózdelgen. Ol 2 jylǵa eseptelgen.
Salyq salý obektisi jalpyǵa birdei belgilengen tártippen aiqyndalatyn jáne shyǵystary eskerilmeitin tabys bolyp tabylady.
Rejimdi qoldaný úshin salyq salý obektisinen 3% mólsherinde salyqtyq mólsherleme belgilengen.
Salyq jeke kásipkerlerden jeke tabys salyǵy túrinde (tólem kózinen ustalatyn salyqtardan basqa), sol siiaqty zańdy tulǵalardan - korporativtik tabys salyǵy túrinde túsedi.
Salyq kezeńi – kúntizbelik toqsan.
Bólshek salyqtyń arnaýly salyq rejimine ótýge niet bildirgender deklaratsiiany salyq tóleýshiniń ornalasqan jeri boiynsha salyq organyna esepti salyq kezeńinen keiingi ekinshi aidyń 15-inen keshiktirmei tabys etetin bolady.
Olar áleýmettik salyq tóleýshiler bolyp tabylmaidy.
Kórsetilgen rejimge ótý úshin salyq tóleýshige qoldanylatyn rejim týraly habarlamany (nysany qosa jalǵandy) salyq organyna tabys etý qajet.
Aýysý qoldanylatyn salyq salý rejimi týraly habarlama berilgen aidan keiingi aidyń 1-kúninen bastap júrgiziledi.
Aǵymdaǵy sátte kásipkerler habarlamany Memlekettik kirister komitetiniń saitynda ornalastyrylǵan nysan boiynsha, «Elektrondyq úkimet» veb-portaly arqyly jáne poshta arqyly nemese tikelei qaǵaz jetkizgishte salyq tóleýshiniń ornalasqan jeri boiynsha memlekettik kiris organdaryna usyna alady.
Budan ári, QR Ádilet ministrligimen habarlamalar nysandary kelisilgennen keiin, tiisti merzimderde bólshek salyqtyń arnaýly salyq rejimine ótý týraly habarlama usynǵan salyq tóleýshilerdi aýystyrý qamtamasyz etiletin bolady.
Sondai-aq, bólshek salyqtyń arnaýly salyq rejimin qoldanatyn tulǵalardyń ainalymy qosylǵan qun salyǵy boiynsha esepke qoiý maqsattary úshin belgilengen ainalymdarǵa engizilmeitin norma engizilgenine nazar aýdaramyz.
Qosylǵan qun salyǵyn tóleýshiler bolyp tabylatyn jáne bólshek salyqtyń arnaýly salyq rejimine kóshýdi sheshken tóleýshiler QQS tóleýshi retinde tirkeý esebinen shyǵarylady.
Ol úshin osyndai rejimdi qoldanýǵa deiin bes jumys kúninen keshiktirmei salyqtyq ótinish berý qajet.
Budan basqa, eger qyzmettiń birneshe túri, onyń ishinde «Bólshek salyqtyń arnaýly salyq rejimin qoldaný maqsattary úshin qyzmet túrlerin aiqyndaý týraly» Úkimettiń 2021 jylǵy 2 aqpandaǵy №30 qaýlysymen aiqyndalǵan tizbege enbegen tulǵalarmen júzege asyrylsa, onda mundai jaǵdaida salyq tóleýshi bólshek salyqtyń arnaýly salyq rejimin qoldanýǵa quqyly emes.
Biryńǵai jeńildik mólsherlemesimen jáne QQS pen áleýmettik salyqtan bosatýmen bólshek salyq rejimin engizý - pandemiiadan zardap shekken ekonomikanyń sektorlarynda jumys isteitin biznes sýbektileri úshin ýaqytsha jáne qajetti qoldaý sharasy jáne olarǵa salyq salýdy aitarlyqtai jeńildetýge múmkindik beredi.
