قازاقستاندىق كەسٸپكەرلەر ٷشٸن سالىقتى ەسەپتەۋ جەڭٸلدەتٸلدٸ جەنە باسقا تٶلەمدەر الىنىپ تاستالدى, دەپ حابارلايدى "ۇلت اقپارات".
پاندەمييادان زارداپ شەككەن سەكتورلاردا جۇمىس ٸستەيتٸن كەسٸپكەرلەر ٷشٸن جاڭا بٶلشەك سالىقتىڭ ارناۋلى سالىق رەجيمٸ ەنگٸزٸلدٸ.
ەندٸ ولارعا اينالىمنان 3% مٶلشەرٸندە كورپوراتيۆتٸك نەمەسە جەكە تابىس سالىعىن تٶلەۋ جەتكٸلٸكتٸ.
بۇل شارا مەملەكەت باسشىسىنىڭ تاپسىرماسىن ورىنداۋ شەڭبرٸندە ەنگٸزٸلەدٸ جەنە ۋاقىتشا – ونىڭ قولدانىلۋى 2022 جىلدىڭ سوڭىنا دەيٸن جالعاسادى.
مەملەكەتتٸك كٸرٸستەر كوميتەتٸنٸڭ باسپاسٶز قىزمەتٸ حابارلاعانداي, رەجيم ەرٸكتٸ.
ول قر كەسٸپكەرلٸك كودەكسٸنە سەيكەس شاعىن جەنە ورتا كەسٸپكەرلٸك سۋبەكتٸلەرٸ بولىپ تانىلعان جەنە وسى رەجيمدٸ قولدانۋ ماقساتىندا قر ٷكٸمەتٸنٸڭ قاۋلىسىمەن انىقتالعان قىزمەتتٸڭ بٸر نەمەسە بٸرنەشە تٷرٸن جٷزەگە اسىراتىن شاعىن جەنە ورتا كەسٸپكەرلٸك سۋبەكتٸلەرٸ ٷشٸن كٶزدەلگەن. ول 2 جىلعا ەسەپتەلگەن.
سالىق سالۋ وبەكتٸسٸ جالپىعا بٸردەي بەلگٸلەنگەن تەرتٸپپەن ايقىندالاتىن جەنە شىعىستارى ەسكەرٸلمەيتٸن تابىس بولىپ تابىلادى.
رەجيمدٸ قولدانۋ ٷشٸن سالىق سالۋ وبەكتٸسٸنەن 3% مٶلشەرٸندە سالىقتىق مٶلشەرلەمە بەلگٸلەنگەن.
سالىق جەكە كەسٸپكەرلەردەن جەكە تابىس سالىعى تٷرٸندە (تٶلەم كٶزٸنەن ۇستالاتىن سالىقتاردان باسقا), سول سيياقتى زاڭدى تۇلعالاردان - كورپوراتيۆتٸك تابىس سالىعى تٷرٸندە تٷسەدٸ.
سالىق كەزەڭٸ – كٷنتٸزبەلٸك توقسان.
بٶلشەك سالىقتىڭ ارناۋلى سالىق رەجيمٸنە ٶتۋگە نيەت بٸلدٸرگەندەر دەكلاراتسييانى سالىق تٶلەۋشٸنٸڭ ورنالاسقان جەرٸ بويىنشا سالىق ورگانىنا ەسەپتٸ سالىق كەزەڭٸنەن كەيٸنگٸ ەكٸنشٸ ايدىڭ 15-ٸنەن كەشٸكتٸرمەي تابىس ەتەتٸن بولادى.
ولار ەلەۋمەتتٸك سالىق تٶلەۋشٸلەر بولىپ تابىلمايدى.
كٶرسەتٸلگەن رەجيمگە ٶتۋ ٷشٸن سالىق تٶلەۋشٸگە قولدانىلاتىن رەجيم تۋرالى حابارلامانى (نىسانى قوسا جالعاندى) سالىق ورگانىنا تابىس ەتۋ قاجەت.
اۋىسۋ قولدانىلاتىن سالىق سالۋ رەجيمٸ تۋرالى حابارلاما بەرٸلگەن ايدان كەيٸنگٸ ايدىڭ 1-كٷنٸنەن باستاپ جٷرگٸزٸلەدٸ.
اعىمداعى سەتتە كەسٸپكەرلەر حابارلامانى مەملەكەتتٸك كٸرٸستەر كوميتەتٸنٸڭ سايتىندا ورنالاستىرىلعان نىسان بويىنشا, «ەلەكتروندىق ٷكٸمەت» ۆەب-پورتالى ارقىلى جەنە پوشتا ارقىلى نەمەسە تٸكەلەي قاعاز جەتكٸزگٸشتە سالىق تٶلەۋشٸنٸڭ ورنالاسقان جەرٸ بويىنشا مەملەكەتتٸك كٸرٸس ورگاندارىنا ۇسىنا الادى.
بۇدان ەرٸ, قر ەدٸلەت مينيسترلٸگٸمەن حابارلامالار نىساندارى كەلٸسٸلگەننەن كەيٸن, تيٸستٸ مەرزٸمدەردە بٶلشەك سالىقتىڭ ارناۋلى سالىق رەجيمٸنە ٶتۋ تۋرالى حابارلاما ۇسىنعان سالىق تٶلەۋشٸلەردٸ اۋىستىرۋ قامتاماسىز ەتٸلەتٸن بولادى.
سونداي-اق, بٶلشەك سالىقتىڭ ارناۋلى سالىق رەجيمٸن قولداناتىن تۇلعالاردىڭ اينالىمى قوسىلعان قۇن سالىعى بويىنشا ەسەپكە قويۋ ماقساتتارى ٷشٸن بەلگٸلەنگەن اينالىمدارعا ەنگٸزٸلمەيتٸن نورما ەنگٸزٸلگەنٸنە نازار اۋدارامىز.
قوسىلعان قۇن سالىعىن تٶلەۋشٸلەر بولىپ تابىلاتىن جەنە بٶلشەك سالىقتىڭ ارناۋلى سالىق رەجيمٸنە كٶشۋدٸ شەشكەن تٶلەۋشٸلەر ققس تٶلەۋشٸ رەتٸندە تٸركەۋ ەسەبٸنەن شىعارىلادى.
ول ٷشٸن وسىنداي رەجيمدٸ قولدانۋعا دەيٸن بەس جۇمىس كٷنٸنەن كەشٸكتٸرمەي سالىقتىق ٶتٸنٸش بەرۋ قاجەت.
بۇدان باسقا, ەگەر قىزمەتتٸڭ بٸرنەشە تٷرٸ, ونىڭ ٸشٸندە «بٶلشەك سالىقتىڭ ارناۋلى سالىق رەجيمٸن قولدانۋ ماقساتتارى ٷشٸن قىزمەت تٷرلەرٸن ايقىنداۋ تۋرالى» ٷكٸمەتتٸڭ 2021 جىلعى 2 اقپانداعى №30 قاۋلىسىمەن ايقىندالعان تٸزبەگە ەنبەگەن تۇلعالارمەن جٷزەگە اسىرىلسا, وندا مۇنداي جاعدايدا سالىق تٶلەۋشٸ بٶلشەك سالىقتىڭ ارناۋلى سالىق رەجيمٸن قولدانۋعا قۇقىلى ەمەس.
بٸرىڭعاي جەڭٸلدٸك مٶلشەرلەمەسٸمەن جەنە ققس پەن ەلەۋمەتتٸك سالىقتان بوساتۋمەن بٶلشەك سالىق رەجيمٸن ەنگٸزۋ - پاندەمييادان زارداپ شەككەن ەكونوميكانىڭ سەكتورلارىندا جۇمىس ٸستەيتٸن بيزنەس سۋبەكتٸلەرٸ ٷشٸن ۋاقىتشا جەنە قاجەتتٸ قولداۋ شاراسى جەنە ولارعا سالىق سالۋدى ايتارلىقتاي جەڭٸلدەتۋگە مٷمكٸندٸك بەرەدٸ.
