Halyqaralyq grossmeister, shahmattan Qazaqstan quramasynyń kóshbasshysy Rinat Jumabaev AQSh sportshysy, álemniń vitse-chempiony Fabiano Karýanadan basym tústi, dep habarlaidy "Ult aqparat" elimizdiń Shahmat federatsiiasynyń baspasóz qyzmetine silteme jasap.
Shahmat federatsiiasynyń málimetinshe, búginde Sochi qalasynda shahmattan FIDE álem kýbogy ótip jatyr. Atalǵan básekede halyqaralyq grossmeiter, shahmattan Qazaqstan quramasynyń kóshbasshysy Rinat Jumabaev qarsylasyn jeńdi. Ol AQSh shahmatshysy álemniń vitse-chempiony Fabiano Karýanadan basym tústi.
«Qazaqstandyq shahmatshyǵa 3 raýndtyń ekinshi kezeńinde jeńiske jetý ońaiǵa soqpady, óitkeni ol qara túste oinady. Alaida oiyn barysynda figýralardyń standartty emes qatynasy bar pozitsiia paida bolyp, jerlesimizge qarsylasynan basym túsýdiń sáti tústi. 3 raýndtyń birinshi kezeńinde qazaqstandyq shahmatshy qarsylasymen teńdei tústi, osylaisha Rinat 1.5:0.5 esebimen týrnirdegi basty favoritterdiń birin jeńip, álem kýbogynyń kelesi kezeńine joldama aldy», - delingen habarlamada.
Jerlesimizdiń álem kýbogyndaǵy kelesi qarsylasy búgin AQSh grossmeisteri Sem Shenklend pen ýkraindyq Aleksandr Areshenko arasyndaǵy tai-breik matchynyń qorytyndysynan keiin belgili bolady.
