Monǵoliia astanasy Ulan-Batyr qalasynda ótip jatqan sporttyq gimnastikadan Aziia chempionatynda qazaqstandyq atlet Milad Karimi kúmis medal jeńip aldy.
QR Ulttyq olimpiadalyq komiteti habarlaǵandai, jerlesimiz erkin jattyǵýdan ótken finaldyq kezeńde 14.533 upai enshilep, ekinshi orynǵa ie boldy. Týra osy jattyǵýdan birinshi oryn ielengen qytailyq gimnasshy da Karimimen teń upai enshiledi. Alaida, baǵdarlama qiyndyǵyna bailanysty tóreshiler bas júldeni qytailyq atlettiń enshisine berdi. Úzdik úshinshi orynǵa 14.400 upai ielengen japoniialyq sportshy ie boldy.
Endi, Milad Karimi erteń, iaǵni 22 maýsym kúni taǵy úsh jattyǵý boiynsha finalda synǵa túsedi. Sondai-aq, Nariman Kýrbanov pen Akim Mýsaev gimnastikalyq at snariadyndaǵy jattyǵýdyń finaldyq kezeńinde el namysyn qorǵaidy.
