مونعولييا استاناسى ۇلان-باتىر قالاسىندا ٶتٸپ جاتقان سپورتتىق گيمناستيكادان ازييا چەمپيوناتىندا قازاقستاندىق اتلەت ميلاد كاريمي كٷمٸس مەدال جەڭٸپ الدى.
قر ۇلتتىق وليمپيادالىق كوميتەتٸ حابارلاعانداي, جەرلەسٸمٸز ەركٸن جاتتىعۋدان ٶتكەن فينالدىق كەزەڭدە 14.533 ۇپاي ەنشٸلەپ, ەكٸنشٸ ورىنعا يە بولدى. تۋرا وسى جاتتىعۋدان بٸرٸنشٸ ورىن يەلەنگەن قىتايلىق گيمناسشى دا كاريميمەن تەڭ ۇپاي ەنشٸلەدٸ. الايدا, باعدارلاما قيىندىعىنا بايلانىستى تٶرەشٸلەر باس جٷلدەنٸ قىتايلىق اتلەتتٸڭ ەنشٸسٸنە بەردٸ. ٷزدٸك ٷشٸنشٸ ورىنعا 14.400 ۇپاي يەلەنگەن جاپونييالىق سپورتشى يە بولدى.
ەندٸ, ميلاد كاريمي ەرتەڭ, ياعني 22 ماۋسىم كٷنٸ تاعى ٷش جاتتىعۋ بويىنشا فينالدا سىنعا تٷسەدٸ. سونداي-اق, ناريمان كۋربانوۆ پەن اكيم مۋساەۆ گيمناستيكالىق ات سناريادىنداعى جاتتىعۋدىڭ فينالدىق كەزەڭٸندە ەل نامىسىن قورعايدى.
