Elimizde 2021 jylǵy 1 aqpannan bastap halyqty KVI-ge qarsy jappai vaktsinatsiialaý júrip jatyr.
Eń aldymen halyqtyń virýsty tez juqtyryp alý qaýpi basym – medqyzmetkerler, muǵalimder men áskeri qyzmetkerler vaktsina saldyrdy. Olardyń basym kópshiligi Sputnik V ekpesin aldy, dep jazady Baq.kz portaly.
Sonymen qatar, 26 sáýirden bastap elimizde otandyq QazVac vaktsinasy salyna bastady. Ony alǵashqylardyń biri bolyp Densaýlyq saqtaý ministri Aleksei Tsoialdy.
Ministr Tsoi 26 sáýir kúni QazVac vaktsinasyn elordadaǵy №9 emhanada saldyrdy.
Ministrdiń jolyn Densaýlyq saqtaý birinshi vitse-ministri Marat Shoranovta jalǵastyrdy. Ol Nur-Sultan qalasynyń №9 emhanasy bazasynda otandyq QazVac koronavirýstyq infektsiiaǵa qarsy vaktsinany alǵashqylardyń biri bolyp aldy.
Birinshi vitse-ministr vaktsinanyń janama áserlerin sezinbegenin, ózin jaqsy sezinetinin aityp, jaǵdaiymen bólisken bolatyn.
Qazirgi kúni bul preparat eldiń ár óńirine jetkizilip jatyr.
Otandyq vaktsinany saldyrǵandar da az emes. Olardyń qatarynda Jambyl oblysy ákiminiń orynbasary Dáýlet Káribek te bar. Ol ekpeni 30 sáýirde saldyryp, áleýmettik jelide otandyq vaktsinaǵa qatysty pikirin jazǵan edi.
Búgin otandyq QazCovid-in (QazVac) vaktsinasyn saldyrdym. Bizdiń elimiz koronavirýsqa qarsy óz vaktsinasyn shyǵarǵan álemniń 5 eliniń biri boldy. Jambyl oblysy Qordai aýdanynda jasalǵan vaktsina qazirgi tańda elimizdiń barlyq óńirine jetkizildi. Biz bul aýrýdy tek jappai vaktsinatsiia júrgizý arqyly ǵana jeńemiz! Búginginiń batyry - dárigerlerimizge shyn júrekten taǵy da alǵys aitqym keledi, - degen bolatyn oblys ákiminiń orynbasary.
Sonymen qatar, búgin qoǵam qairatkeri Muhtar Taijanda otandyq vaktsinany saldyrdy.
Men ózimizdiń qazaqstandyq ǵalymdardy qoldaimyn jáne senemin! QazVas-ty salǵyzdym. Astanada Abý-Dabi ǵimaratynyń 2-qabatynda vaktsinatsiialaý pýnktinde salyp jatyr. Kezek joq, 10 minýt ishinde salyp jiberdi. Taǵy 30 minýt otyrasyń, ketesiń, - dep jazdy Taijan áleýmettik jelidegi paraqshasynda.
Eske sala keteiik, 4 mamyrdaǵy málimet boiynsha Qazaqstanda 1 422 204 adam vaktsina saldyrdy.
