Qazaqstandyq dáriger ǵalymdar ádette qan toqtatý úshin qoldanylatyn «aminkapron qyshqyly» preparatynyń adam aǵzasyn radiatsiiadan tiimdi qorǵai alatynyn anyqtady. Bul týraly «Eýraziia» birinshi arnasynyń» siýjetinde aityldy.
Tájiribeler zerthanadaǵy egeýquiryqtarǵa júrgizildi. Bul kemirgishterdiń kezinde Chernobyl nemese Fýkýsima atom stansalarynda bolǵan apattar kezinde tiri qalǵany aitylady. Olarǵa áýeli adamzatqa jarty ǵasyr ýaqyt tanys bolǵan aminkapron qyshqyly engizilip, odan keiin eki ret iondaýshy radiatsiiamen sáýlelendirilgen. Egeýquiryqtar qyrylmaq túgili, radiatsiianyń qandai da bir áserin sezingen joq.
«Biz olarǵa preparatty untaq túrinde berdik. Ol sondai-aq dári túrinde de bolady. Bul rette biosińimdiligi óte joǵary. Egýdi qajet etpeidi. Oǵan qosa, asqazan-ishek joldarynyń ishki tinderin qorǵaidy. Al radiatsiianyń eń tanymal ári qaýipti áseri – ash ishek qyzmetiniń buzylýy», - dep baiandady B.Atchabarov atyndaǵy irgeli jáne qoldanbaly meditsina ǴZI-nyń direktory Timýr Saliev.
Tájiribe kezinde aminkapronqyshqylynyń qosymsha paidaly qasietteri ashylǵany habarlanyp otyr. Osylaisha, onyń erkin radikaldardy buzyp, jastyq shaqty uzartý qasieti bar. Odan jasalǵan preparat sondai-aq Altsmeiger aýrýynyń aldyn alýǵa kómektese alady, biraq ázirge ǵalymdar onyń radiatsiiadan qorǵaý qasietine erekshe nazar aýdaryp otyr.
Telearnanyń málimetinshe, qazaqstandyq ǵalymdar preparatqa patent alyp úlgergen. Endi ony aldyn alý sharalary retinde AES qyzmetkerleri nemese sáýlelenýge tap bolǵan adamdar qoldana alady.
