Fýtboldan Qazaqstan jastar quramasynyń oiynshysy Dmitrii Bachek endi ispandyq klýb sapynda oinaidy, dep habarlaidy "Ult aqparat".
Jas fýtbolshy «Ýnion Deportivo Poblense» komandasynyń namysyn qorǵaidy. Atalǵan klýb Ispaniia chempionatynyń úshinshi diviziony sanalatyn B segýndasynda oiyn kórsetedi.
Komanda 1934 jyly qurylǵan. Balear araldaryndaǵy La-Pýebla qalasynyń atynan synǵa túsedi. Óziniń tarihynda sol eldiń eń joǵary ligasy - primerada eshqashan oiyn kórsetken joq.
Esterińizge sala ketelik, Dmitrii Bachek qaraǵandylyq «Shahter» komandasynyń múshesi bolǵan. 2019 jyldyń sońynda atalǵan klýbtan ketip, eýropalyq jańa klýbta oiyn kórsetýge sheshim qabyldady.
