Qazir Liýksembýrgte qazaqstandyq kinonyń kórsetilimi ótýde, dep habarlaidy "Ult aqparat".
Liýksembýrgtiń «Kinepolis Kirhberg» kinoteatrynda 19-21 aqpan aralyǵynda rejisser Ádilhan Erjanovtyń «Sary mysyq» filmi kórsetilip jatyr.
Film qazaqstandyq «Bonni men Klaidtyń» oqiǵasyn baiandaidy.
Bozbala Kermek túrmeden shyqqannan keiin týǵan qalasyna oralady. Ol onda bári qatty ózgergenin kóredi, qalany óziniń qatal erejelerin ornatqan qylmystyq top basqarady.
Onyń súiikti qyzy Eva osy adamdardyń qysymymen múldem joǵalyp, adasyp ketedi, al Kermek ózi qylmysqa belshesinen batqan...
«Kinoteatr ókili bizdi quttyqtady. Kórsetilim jergilikti kórermenderdiń qyzyǵýshylyǵyn oiatty. Barlyq biletter satyldy. Kelgenderdiń barlyǵyna rahmet jáne kórsetilimnen keiin film týraly áserin bólisken janarǵa alǵysymyzdy aitamyz», - deidi Qazaqstan-Liýksembýrg dostyq uiymynyń belsendisi Nurgúl Tursyn.
