Foto: QMG baspasóz qyzmeti
"QazMunaiGaz" UK" AQ basqarma tóraǵasynyń orynbasary Dmitrii Makeev qazaqstandyq eki munai óńdeý zaýytyn jekeshelendirý josparlanǵan degen aqparatty joqqa shyǵardy, - dep habarlaidy «Ult aqparat» Tengrinews.kzke silteme jasap.
"Búgin áleýmettik jelilerde jáne keibir BAQ-ta Atyraý jáne Pavlodar munai-himiia zaýyttaryn jekeshelendirý josparlanyp otyr degen aqparat tarady. Bul aqparattyń shyndyqqa janaspaitynyn resmi túrde málimdegim keledi. Mundai kelissózder júrgizilgen joq. QMG munai óńdeý zaýytyndaǵy barlyq óndiristik protsester qalypty jaǵdaida júrip jatyr", - dedi ol QMG telegram-arnasynda.
Eske salaiyq, keibir BAQ aldaǵy eki jylda eki munai óńdeý zaýytyn jekeshelendirý týraly sheshim "Ekonomikany yryqtandyrý sharalary týraly" QR Prezidentiniń jarlyǵy jobasynda qamtylǵanyn jáne qazirgi ýaqytta memlekettik organdarda kelisý rásiminen ótip jatqanyn habarlaǵan bolatyn.
