Stambulda áielder arasynda ótip jatqan álem birinshiliginde qazaqstandyq qos boksshy qola júldeger atandy, dep habarlaidy QazAqparat.
2016 jylǵy álem chempiony Valentina Halzova 70 kelige deiingi salmaqta Mozambik eliniń ókili Alsina Helena Pangýanmen sheberlik baiqasty.
Jekpe-jekti táp-táýir bastaǵan Valentina sońǵy raýndta nokdanýǵa túsip qaldy.
Sóitip Mozambik boksshysy óz eliniń tarihynda tuńǵysh ret álem chempionatynyń finalyna shyqty.
Sondai-aq búgin Aqmola oblysynyń ókili Karina Ibragimova 57 kelige deiingi salmaqta jartylai finalda taibeilik Lin Iýi Tinge qarsy ringke shyqty.
Bul jekpe-jekte tóreshilerdiń biraýyzdan sheshimimen 2018 jylǵy álem chempiony Lin Iýi Tinniń mereii ústem boldy – 5:0.
Osylaisha, Ibragimova óziniń sporttyq jolynda ekinshi ret álem chempionatynyń qola júldegeri atandy.
Búgin keshki sessiiada taǵy bir qazaqstandyq Dina Jolaman 54 kelige deiingi salmaqta rýmyniialyq Lakramioara Perishochpen judyryqtasady.
