Aqtaýda dziýdodan erler men áielder arasyndaǵy Turar Joldybaevty eske alýǵa arnalǵan ashyq Aziia kýbogy aiaqtaldy. Armiia Ortalyq sport klýbynyń nusqaýshy sportshylary týrnirde ár túrli dárejedegi úsh medaldy qanjyǵalaryna bailady.
Jalpy alǵanda jarysqa Avstraliia, Qazaqstan, Qyrǵyzstan, Resei, Tájikstan jáne Ózbekstan elderinen 198 bilekti sportshy qatysty.
Jarys qorytyndysy boiynsha 100 keliden astam salmaq dárejesinde armiia sportshysy, efreitor Erasyl Qajybaev chempion atandy. Aqtyq synda ol «Qazaqstan Barysy – 2017» titýlynyń iegeri, otandasy Elaman Erǵalievti jeńdi. 60 kelige deiingi salmaq dárejesinde OSK sport rotasynyń merzimdi qyzmet áskeri qyzmetshisi qatardaǵy jaýynger Dáýren Siýkenov kúmis medalǵa ie boldy. 100 keliden joǵary salmaq dárejesinde efreitor Ádil Orazbaev qola júldegeri atandy.
«Men jattyqtyrýshylarymnyń, áriptesterimniń jáne dostarymnyń senimin aqtaǵanyma óte qýanyshtymyn. Tálimgerlerdiń barlyq tapsyrmalaryn oryndap, «altyn» jeńip aldym. 19 naýryzda áskeri qyzmetshiler arasynda ótetin «Ásker barysy – 2021» titýlyna irikteý týrnirinde Qarýly Kúshterdiń namysyn qorǵaýǵa tyrysamyn», – dep bólisti áskeri sportshy efreitor Erasyl Qajybaev.
Turar Joldybaevty eske alýǵa arnalǵan dziýdodan ashyq Aziia kýbogy litsenziialanǵan týrnir bolyp tabylatynyn aita ketý kerek. IJF erejeleri boiynsha týrnir chempiondary men júldegerleri Halyqaralyq dziýdo federatsiiasynyń reitingi esebine upai alady: birinshi oryn – 100 upai, ekinshi oryn – 60 upai jáne úshinshi oryn – 40 upai.
