Halyqaralyq arenadaǵy jetistikterimen tanylǵan qazaqstandyq dziýdoshy Abiba Ábýjaqynovaǵa kólik tartý etildi.
Eńbegi men jetistikteri úshin sportshyǵa Kia avtokóligi syiǵa berildi. Dziýdoshyǵa kólikti depýtat Aidarbek Qojanazarov tartý etti.
Parijde ótken Olimpiadada Ábýjaqynova 48 kelige deiingi salmaqta qola medal úshin kúresti. Tartysty ótken kezdesýde ol Shvetsiia ókili Tara Babýlfatpen kezdesti. Qazaq dziýdoshysy tabandy kúreske qaramastan qarsylasynan jeńilip, medalsyz qaldy.
Aita keteiik, Ábýjaqynova 2022 jyly Tashkentte ótken álem chempionatynda qola medal jeńip alyp, elge álem chempionatynyń júldesin ákelgen tuńǵysh qazaq dziýdoshysy atandy.
