Atyraýlyq sportshy Aziianyń úsh dúrkin chempiony atandy, dep habarlaidy QazAqparat.
Oblystyq sport jáne dene shynyqtyrý basqarmasy baspasóz qyzmetiniń aqparatyna súiensek, 10 qyrkúiekte Birikken Arab Ámirliginiń Abý-Dabi qalasynda djiý-djitsýdan Aziia chempionaty bastalǵan. Chempionat erteń, 17 qyrkúiekte aiaqtalady.
«Aziia chempionatyna atyraýlyq sportshy Jeńis Nurlybaev 56 keli salmaqta baq synady.
Ol Úndistan, Tailand, Ózbekstan elderinen kelgen jáne qazaqstandyq sportshylarmen kezdesý ótkizdi. Qarsylastarynyń bárin utqan Jeńis Aziia chempionatynyń altyn medalin ielendi. Osylaisha, ol Aziianyń úsh dúrkin chempiony atanyp otyr» -dep habarlady basqarmanyń baspasóz qyzmeti.
Atyraýlyq sportshy Jeńis Nurlybaev buǵan deiin 2018, 2019 jyldary qurlyqtyq chempionattyń jeńimpazy atanǵan.
