Qazaqtyń uly aqyny Abai Qunanbaiulynyń týǵanyna 176 jyl tolýyna orai, Reseidegi Qazaqstan Elshiliginiń diplomattary Máskeýdegi Chistye Prýdy býlvarynda ornalasqan aqynnyń eskertkishine gúl shoqtaryn qoidy.
Bul týraly QR Syrtqy ister ministrliginiń baspasóz qyzmeti habarlady.
Kórnekti tulǵaǵa qurmet kórsete otyryp, diplomattar onyń shyǵarmashylyǵynyń arqasynda Pýshkin, Lermontov, Giote, Bairon, Shiller jáne basqa da álemdik mádeniet ókilderiniń shyǵarmalary qazaq tilinde «sóilegenin» atap ótti.
«Is-shara aiasynda Elshilik qyzmetkerleri Abaidyń Qara sózderin oqyp, onyń «Jelsiz túnde jaryq ai» ánin shyrqady», - delingen habarlamada.
