20-23 tamyzda Máskeýde Shanhai yntymaqtastyq uiymynda (ShYU) reseilik tóraǵalyǵy sheńberinde ShYU-ǵa múshe-memleketter Ulttyq úilestirýshileri keńesiniń birinshi otyrysy ótti. Bul týraly SIM baspasóz qyzmeti habarlady.
Is-sharaǵa ShYU máseleleri jónindegi Ulttyq úilestirýshi, QR SIM Erekshe tapsyrmalar jónindegi Elshisi Erlan Álimbaev qatysty.
Otyrysta Reseidiń ShYU-daǵy tóraǵalyǵynyń basymdyqtary, múshe-memleketter basshylarynyń bastamalaryn iske asyrý barysy, ú.j. 31 qazan - 1 qarashada Tashkent qalasynda ótetin Uiym elderi Úkimet basshylary keńesiniń kezekti otyrysyna, sondai-aq basqa da joǵary deńgeidegi is-sharalarǵa daiyndyq jumystary talqylandy.
Sonymen qatar, Qazaqstan delegatsiiasy QR Tuńǵysh Prezidenti – Elbasy Nursultan Nazarbaev jáne QR Prezidenti Qasym-Jomart Toqaevtyń Shanhai uiymy sheńberindegi bastamalaryn ilgeriletý boiynsha birqatar usynystar jasady.
Is-shara aiasynda Shanhai yntymaqtastyq uiymynyń Ulttyq úilestirýshileri jáne Ujymdyq qaýipsizdik týraly shart uiymynyń turaqty ókilderiniń beiresmi konsýltatsiialary ótti. Qatysýshylar eki uiym arasynda yqpaldasýdyń yqtimal joldaryn damytý múmkindikteri týraly pikir almasty.
