El astanasynda bokstan «Elorda kýbogy» halyqaralyq týrniri máresine jetti, dep habarlaidy QazAqparat.
Jarys qorytyndysynda qazaqstandyq boksshylar 11 altyn medal jeńip alyp, komandalyq esepte kósh bastady.
Atap aitqanda, 48 kelige deiingi salmaqta Temirtas Júsipov ózbekstandyq Asylbek Jalilovty tóreshiler sheshimimen (4:1) utty.
Sáken Bibosynov 51 kelige deiingi salmaqta kýbalyq Alehandro Klaro Fisstan ailasyn asyrdy (5:0).
Mahmud Sabyrhan 54 kelige deiingi salmaqta qytailyq Fan Bodan basym tústi (5:0).
Serik Temirjanov 57 kelige deiingi salmaqta tartysty básekede tóreshiler sheshimimen kýbalyq Osvel Devid Kavallerony súrindirdi (3:2).
Samatáli Tóltaev 60 kelige deiingi salmaqta otandasy Talǵat Syrymbetovti jeńdi (4:1).
Muhamedsabyr Bazarbaiuly 63,5 kelige deiingi salmaqta Sanatáli Tóltaevty qapy qaldyrdy (5:0).
19 jastaǵy Abzal Serik 67 kelige deiingi salmaqta Dýlat Bekbaýovty utty (4:1).
Qazaqstan ulttyq quramasynyń kapitany Aslanbek Shymbergenov 71 kelige deiingi salmaqta álem chempiony, japoniialyq Sevonret Okazavamen aiqasyp, jeńiske jetti (4:1).
Kýbalyq Ioenlis Felisiano Ernandes Martines 75 kelige deiingi salmaqta ózbekstandyq Saidjamshid Jafarovty utty (3:2).
Nurbek Oralbai 80 kelige deiingi salmaqta qytailyq Tanglatihan Erbiekeden sál basymdaý boldy (3:2).
Abzal Quttybekov 86 kelige deiingi salmaqta kýbalyq Iainier Aereodan úshinshi raýndta nokdaýn alǵanyna qaramastan, chempion atandy (3:2).
Aibek Oralbai 92 kelige deiingi salmaqta asa tartysty jekpe-jekte otandasy Saǵyndyq Toǵambaidy jeńdi (3:2).
Asa aýyr salmaqta Damir Toibai finalda ózbekstandyq Lazizbek Mýllojonovqa ese jiberdi (0:5).
Bokstan Qazaqstan ulttyq quramasynyń bas bapkeri Qairat Sátjanov atalmysh jarysta Abzal Serik sekildi jastardyń da jaqsy óner kórsetkenin jetkizdi.
