ەل استاناسىندا بوكستان «ەلوردا كۋبوگى» حالىقارالىق تۋرنيرٸ مەرەسٸنە جەتتٸ, دەپ حابارلايدى قازاقپارات.
جارىس قورىتىندىسىندا قازاقستاندىق بوكسشىلار 11 التىن مەدال جەڭٸپ الىپ, كوماندالىق ەسەپتە كٶش باستادى.
اتاپ ايتقاندا, 48 كەلٸگە دەيٸنگٸ سالماقتا تەمٸرتاس جٷسٸپوۆ ٶزبەكستاندىق اسىلبەك جاليلوۆتى تٶرەشٸلەر شەشٸمٸمەن (4:1) ۇتتى.
سەكەن بيبوسىنوۆ 51 كەلٸگە دەيٸنگٸ سالماقتا كۋبالىق الەحاندرو كلارو فيسستان ايلاسىن اسىردى (5:0).
ماحمۇد سابىرحان 54 كەلٸگە دەيٸنگٸ سالماقتا قىتايلىق فان بودان باسىم تٷستٸ (5:0).
سەرٸك تەمٸرجانوۆ 57 كەلٸگە دەيٸنگٸ سالماقتا تارتىستى بەسەكەدە تٶرەشٸلەر شەشٸمٸمەن كۋبالىق وسۆەل دەۆيد كاۆاللەرونى سٷرٸندٸردٸ (3:2).
ساماتەلٸ تٶلتاەۆ 60 كەلٸگە دەيٸنگٸ سالماقتا وتانداسى تالعات سىرىمبەتوۆتٸ جەڭدٸ (4:1).
مۇحامەدسابىر بازاربايۇلى 63,5 كەلٸگە دەيٸنگٸ سالماقتا ساناتەلٸ تٶلتاەۆتى قاپى قالدىردى (5:0).
19 جاستاعى ابزال سەرٸك 67 كەلٸگە دەيٸنگٸ سالماقتا دۋلات بەكباۋوۆتى ۇتتى (4:1).
قازاقستان ۇلتتىق قۇراماسىنىڭ كاپيتانى اسلانبەك شىمبەرگەنوۆ 71 كەلٸگە دەيٸنگٸ سالماقتا ەلەم چەمپيونى, جاپونييالىق سەۆونرەت وكازاۆامەن ايقاسىپ, جەڭٸسكە جەتتٸ (4:1).
كۋبالىق يوەنليس فەليسيانو ەرناندەس مارتينەس 75 كەلٸگە دەيٸنگٸ سالماقتا ٶزبەكستاندىق سايدجامشيد جافاروۆتى ۇتتى (3:2).
نۇربەك ورالباي 80 كەلٸگە دەيٸنگٸ سالماقتا قىتايلىق تانگلاتيحان ەربيەكەدەن سەل باسىمداۋ بولدى (3:2).
ابزال قۇتتىبەكوۆ 86 كەلٸگە دەيٸنگٸ سالماقتا كۋبالىق ياينيەر اەرەودان ٷشٸنشٸ راۋندتا نوكداۋن العانىنا قاراماستان, چەمپيون اتاندى (3:2).
ايبەك ورالباي 92 كەلٸگە دەيٸنگٸ سالماقتا اسا تارتىستى جەكپە-جەكتە وتانداسى ساعىندىق توعامبايدى جەڭدٸ (3:2).
اسا اۋىر سالماقتا دامير تويباي فينالدا ٶزبەكستاندىق لازيزبەك مۋللوجونوۆقا ەسە جٸبەردٸ (0:5).
بوكستان قازاقستان ۇلتتىق قۇراماسىنىڭ باس باپكەرٸ قايرات سەتجانوۆ اتالمىش جارىستا ابزال سەرٸك سەكٸلدٸ جاستاردىڭ دا جاقسى ٶنەر كٶرسەتكەنٸن جەتكٸزدٸ.
