Jeńil salmaqtaǵy qazaqstandyq boksshy Viktor Kotochigovke Saýtgemptonda ótetin jekpe-jekke daiyndyq kezinde shabýyl jasalyp, aýrýhanaǵa tústi, - dep habarlaidy Tengrinews.kz tilshisi Vesti.kz saityna silteme jasap.
Boksshynyń aitýynsha, belgisiz bireýler onyń bólmesine basyp kirip, "qyshqyl" shashqan, keiin ol birneshe kún aýrýhanada jatýǵa májbúr bolǵan. Jekpe-jek 11 jeltoqsanǵa josparlanǵan edi.
"Angliiadaǵy oqý-jattyǵý jiyny biraz sátsiz boldy. Qysqasha aitsam: 11 jeltoqsanǵa josparlanǵan jekpe-jekke daiyndalý úshin Angliiaǵa ushyp keldim. Bólme jaldap, jattyǵýdy bastadym. Tórt kún ótti. Bir kúni úide uiyqtap jatqanymda esik syrtynan dybys estildi. Bireý qulypty ashýǵa tyrysyp jatty. Men atyp turyp pyshaq almaq boldym, biraq as úide shanyshqy men qasyqtan basqa eshteńe bolmady. Esik ashyldy da birneshe adam kirip keldi. Oilanbastan tóbeleske daiyndalyp turǵanymda olar maǵan qyshqylǵa uqsas suiyqtyq shashyp jiberdi. Men denem aýyrǵandyqtan eńkeiip qaldym, al olar tez shyǵyp ketti. Birinshi jattyqtyrýshyny shaqyrdym. Ol túnde kelip, meni aýrýhanaǵa apardy, qamqorlyq jasady, sol úshin oǵan myń alǵys!
Birneshe kún aýrýhanada dárigerler baqylaýynda boldym. Eshkimmen janjaldaspadym, kimge kerek bolǵanyn bilmeimin. Bar túsingenim, jattyǵý jiyndaryna senimdi jerlerge barý kerek eken", - dep jazdy Kotochigov Instagram-paraqshasynda.
