Qazaqstandyq boksshy Elnur Súiinbai Dýbaida (BAÁ) ótken jastar arasyndaǵy Aziia chempionatynda tehnikasy eń myqty sportshy atandy, dep habarlaidy QazAqparat Sports.kz-ke silteme jasap.
63,5 kelige deiingi salmaq dárejesinde óner kórsetetin Súiinbai aqtyq aiqasta úndistandyq Vanshadjben kezdesip, tóreshilerdiń biraýyzdan sheshimimen jeńimpaz atanǵan edi.
Qazaqstannyń erler arasyndaǵy jastar quramasy (2003-2004jj.) birinshilikte 12 medal jeńip aldy: segiz altyn, eki kúmis jáne eki qola.
Medal sany boiynsha ekinshi orynda Ózbekstan – olarda jeti medal bar (úsh altyn, úsh kúmis jáne bir qola). Úshinshi orynda Úndistan toǵyz medalmen (eki altyn, úsh kúmis jáne tórt qola) tur.
