Qazaqstandyq kásipqoi boksshy Ǵalym Shaǵatai (5-0, 5KO) Resei ókili Pele Sadoiandy (7-1-2, 3KO) jeńip, alǵashqy titýlyna qol jetkizdi, – dep habarlaidy «Qazaqstannyń kásipqoi boksynyń» áleýmettik paraqshasynda.
Jekpe-jek Máskeýde uiymdastyrylǵan boks keshi aiasynda ótti. Sportshylar jartylai orta salmaqta jastar arasyndaǵy WBC Asia titýlyn sarapqa saldy. 10 raýndqa eseptelgen aiqas besinshi raýndta toqtaldy – Shaǵataidyń opponenti odan ári judyryqtasýdan bas tartty. Bul, P.Sadoiannyń qarsylasynan alǵash ret utylýy. Al, Ǵ.Shaǵatai kásipqoi-ringtegi qatarynan besinshi jeńisine jetti.
Aita keteiik, qazaqstandyq boksshynyń profi-bokstaǵy debiýti 2019 jyldyń aqpanynda boldy. Al tamyz aiynda Máskeýde reseilik Aleksandr Saltykovty nokaýtqa jiberip, birinshi orta salmaqtaǵy ProBox nusqasy boiynsha TMD chempiony ataǵyn jeńip alǵan bolatyn.
