قازاقستاندىق كەسٸپقوي بوكسشى عالىم شاعاتاي (5-0, 5كو) رەسەي ٶكٸلٸ پەلە سادوياندى (7-1-2, 3كو) جەڭٸپ, العاشقى تيتۋلىنا قول جەتكٸزدٸ, – دەپ حابارلايدى «قازاقستاننىڭ كەسٸپقوي بوكسىنىڭ» ەلەۋمەتتٸك پاراقشاسىندا.
جەكپە-جەك مەسكەۋدە ۇيىمداستىرىلعان بوكس كەشٸ اياسىندا ٶتتٸ. سپورتشىلار جارتىلاي ورتا سالماقتا جاستار اراسىنداعى WBC Asia تيتۋلىن ساراپقا سالدى. 10 راۋندقا ەسەپتەلگەن ايقاس بەسٸنشٸ راۋندتا توقتالدى – شاعاتايدىڭ وپپونەنتٸ ودان ەرٸ جۇدىرىقتاسۋدان باس تارتتى. بۇل, پ.سادوياننىڭ قارسىلاسىنان العاش رەت ۇتىلۋى. ال, ع.شاعاتاي كەسٸپقوي-رينگتەگٸ قاتارىنان بەسٸنشٸ جەڭٸسٸنە جەتتٸ.
ايتا كەتەيٸك, قازاقستاندىق بوكسشىنىڭ پروفي-بوكستاعى دەبيۋتٸ 2019 جىلدىڭ اقپانىندا بولدى. ال تامىز ايىندا مەسكەۋدە رەسەيلٸك الەكساندر سالتىكوۆتى نوكاۋتقا جٸبەرٸپ, بٸرٸنشٸ ورتا سالماقتاعى ProBox نۇسقاسى بويىنشا تمد چەمپيونى اتاعىن جەڭٸپ العان بولاتىن.
