Qazaqstannyń Ulttyq Olimpiadalyq komiteti qazaqstandyq sportshylardyń «B» doping synamalarynyń qosymsha tekserilý protsedýrasyn rastaidy, — dep habarlaidy Ult portaly komitettiń saityna silteme jasap.
«Qazaqstan Respýblikasynyń Ulttyq Olimpiadalyq komiteti (QR UOK) Halyqaralyq Olimpiadalyq komitetiniń habarlaýynsha «A» doping synamalary qaita tekserýden ótkizilgen sportshylardyń arasynda 2008 jyly Beijiń Olimpiadasy men 2012 jyly London Olimpiadasyna qatysqan qazaqstandyq sportshylardyń bes synamasy kúdik týdyrǵanyn málimdeidi» deidi komitet ókilderi.
«Qazir QR UOK ókilderi Lozanna (Shveitsariia) qalasynda, sol jerde «B» doping synamalaryn ashý jáne tekserý protsedýralary ótip jatyr. Halyqaralyq Olimpiadalyq komitetiniń reglamentine sáikes atalmysh protsedýra qupiia jáne testileýdiń túpkilikti nátijesi alynbaǵanǵa deiin aqaparat jariialanbaidy. Qaita testileý protsedýralary aiaqtalyp, tekserýlerdiń resmi nátijeleri men habarlandyrý kelgen kezde ǵana Ulttyq Olimpiadalyq komitet osy másele boiynsha túsinikteme berýge ýákiletti bolady» delingen habarlamada.
«Túrli BAQ taratyp jatqan aqparatty QR UOK rastap nemese joqqa shyǵara almaidy» deidi olar.
Qazirgi tańda «B» doping synamalary Halyqaralyq Olimpiadalyq komiteti men Búkilálemdik dopingke qarsy agenttiktiń (WADA) protsedýralaryna sai qosymsha tekserilip jatyr.
Aita keteiik, buǵan deiin Olimpiada chempiondary — Zúlfiia Chinshanlo men Ilia Ilinniń qanynan doping tabylǵany habarlanǵan bolatyn.
Ult portaly
