Qazaqstandyq bes ǵalym COVID-19-ǵa qarsy jasaǵan vaktsinany ózderine synap kórdi, dep habarlaidy "Ult aqparat".
Biologiialyq qaýipsizdik problemalary ǵylymi-zertteý institýtynyń habarlaýynsha, Dúniejúzilik densaýlyq saqtaý uiymynyń talabyna sáikes, 2020 jyldyń 13 tamyzynda makak-rezýstan antideneniń keminde 7 log bolýy tiis sońǵy titrin anyqtaý josparlanyp otyr. Bul joǵary immýnogendik kórsetkish sanalady.
«2020 jyldyń 26 shildesinde vaktsinanyń 5 ázirleýshisi tiri virýspen jumys isteý barysynda qaýipsizdikterin qamtamasyz etý úshin erikti túrde vaktsinany ózderine synady. Birneshe táýlik ótkennen keiin olardyń ózderin sezinýi jaqsy, dene qyzýy men allergiiasy joq. Klinikaǵa deiingi synaq 2020 jyldyń 20 tamyzynda aiaqtalyp, nátijesi QR Densaýlyq saqtaý ministrligine beriledi», - dep habarlaidy institýttan.
QR Densaýlyq saqtaý ministrliginen ruqsat alynǵannan keiin 2020 jyldyń 20 qyrkúieginde Almaty qalasyndaǵy klinikanyń bazasynda COVID-19-ǵa antidenesi joq 44 eriktige klinikalyq synaq (I faza) bastalýy tiis.
COVID-19-ǵa qarsy QazCovid-in vaktsinasyn institýttyń bas direktory K.Zakaria jáne ǵylymi qyzmetkerler: L.Qutymbetov, B.Hairýllin, M.Orynbaev, Q.Sultanqulov, E.Ábdiraiymov, S.Nurabaev ózderine synaǵan.
