Soltústik Qazaqstan oblysyndaǵy «Qyzyljar Arlandary» sport klýbynyń múshesi Muhit Tursynov Rýmyniianyń Konstantsa qalaynda halyqaralyq etnikalyq mádeniet festivali aiasynda qazaq kúresinen ótken Álem kýbogynda jeńiske jetti, dep habarlaidy QazAqparat.
«Qazaq kuresi» qaýymdastyǵynyń málimetinshe, Rýmyniianyń Konstantsa qalasynda ótken Álem Kýbogyna 21 elden kelgen 128 balýan qatysty.
Jarysty Qazaqstan Respýblikasynyń «Qazaq kuresi» qaýymdastyǵy, Rýmyniia «Qazaq kuresi» qaýymdastyǵy jáne Rýmyniia Syrtqy Ister ministrligi uiymdastyrǵan. Eki el birigip ótkizgen bul saiys - koronavirýs pandemiiasy bastalǵaly beri qolǵa alynǵan alǵashqy iri halyqaralyq doda.
«Bul - Álem chempionatynyń aldyndaǵy daiyndyq jarysy deýge bolady. Joǵary deńgeide uiymdastyryldy. Oǵan halyqaralyq mamandardyń tól ónerimizge bergen joǵary baǵalary dálel. Jarys barysynda soltústikqazaqstandyq balýan Muhit Tursynov
Álem kýbogy barysynda ulttyq dástúr nasihattalyp qana qoimai, ózge kúres túrlerinen de festivaldar ótti. Atap aitqanda, qurash, aba jáne qyrym kúresteri boiynsha saiystar, at jarys, sadaq atý, semserlesý, naizamen aiqasý syndy kóshpendiler oiyndary ótti. Sondai-aq, toǵyzqumalaq jáne mangala oiyndarynyń tanystyrylymy uiymdastyryldy.
Qazaq kúresinen Álem Kýbogynda top jarǵan sportshylar medaldarmen jáne aqshalai syiaqymen marapattaldy.
