Foto: UOK
Erkin kúresten Qazaqstan quramasynyń múshesi Nurqoja Qaipanov olimpiadalyq emes salmaq sanattary boiynsha álem chempionatynda altyn medal jeńip aldy, dep habarlaidy Ult.kz.
Nurqoja Qaipanov Tiranadaǵy (Albaniia) álem birinshiliginiń finalynda japon balýany Eshinosýke Aoiagimen kúresti. 70 kg salmaq dárejesindegi beldesýde qazaqstandyq sportshy 5:3 esebimen jeńiske jetti.
Osylaisha Nurqoja Qaipanov erkin kúresten álem chempiony atanǵan Qazaqstandaǵy ekinshi balýan atanyp otyr. Byltyr Serbiia astanasy Belgradta Rizabek Aitmuhan 92 kg deiingi salmaqta top jarǵan edi.
2019 jyly Nurqoja Astanadaǵy álem chempionatynda kúmis medal enshilegen bolatyn. Sondai-aq ol eki dúrkin Aziia chempiony.
Aita keteiik, Qazaqstan quramasy Tiranadaǵy álem birinshiligin 1 altyn, 2 kúmis medalmen aiaqtady. Buǵan deiin áielder kúresinen synǵa túsken Jámilá Baqbergenova (72 kg) men grek-rim kúresiniń sheberi Erjet Jarlyqasyn (63 kg) kúmis júlde ielendi.
