فوتو: ۇوك
ەركٸن كٷرەستەن قازاقستان قۇراماسىنىڭ مٷشەسٸ نۇرقوجا قايپانوۆ وليمپيادالىق ەمەس سالماق ساناتتارى بويىنشا ەلەم چەمپيوناتىندا التىن مەدال جەڭٸپ الدى, دەپ حابارلايدى Ult.kz.
نۇرقوجا قايپانوۆ تيراناداعى (البانييا) ەلەم بٸرٸنشٸلٸگٸنٸڭ فينالىندا جاپون بالۋانى ەشينوسۋكە اوياگيمەن كٷرەستٸ. 70 كگ سالماق دەرەجەسٸندەگٸ بەلدەسۋدە قازاقستاندىق سپورتشى 5:3 ەسەبٸمەن جەڭٸسكە جەتتٸ.
وسىلايشا نۇرقوجا قايپانوۆ ەركٸن كٷرەستەن ەلەم چەمپيونى اتانعان قازاقستانداعى ەكٸنشٸ بالۋان اتانىپ وتىر. بىلتىر سەربييا استاناسى بەلگرادتا ريزابەك ايتمۇحان 92 كگ دەيٸنگٸ سالماقتا توپ جارعان ەدٸ.
2019 جىلى نۇرقوجا استاناداعى ەلەم چەمپيوناتىندا كٷمٸس مەدال ەنشٸلەگەن بولاتىن. سونداي-اق ول ەكٸ دٷركٸن ازييا چەمپيونى.
ايتا كەتەيٸك, قازاقستان قۇراماسى تيراناداعى ەلەم بٸرٸنشٸلٸگٸن 1 التىن, 2 كٷمٸس مەدالمەن اياقتادى. بۇعان دەيٸن ەيەلدەر كٷرەسٸنەن سىنعا تٷسكەن جەميلە باقبەرگەنوۆا (72 كگ) مەن گرەك-ريم كٷرەسٸنٸڭ شەبەرٸ ەرجەت جارلىقاسىن (63 كگ) كٷمٸس جٷلدە يەلەندٸ.
