Sýret: ashyq derekkóz
Ystyqkól qalasyndaǵy aýdandyq aýrýhanada aýyr jaraqat alǵan Qazaqstan azamaty qaitys boldy, dep habarlaidy "Ult aqparat".
24.kg málimetinshe, 15 shildede aýdandyq aýrýhanaǵa 42 jastaǵy Balyqshy turǵyny, Qazaqstan azamaty aýyr jaraqatpen jetkizilgen. Er adam Qara-Oi aýylyndaǵy demalys ortalyqtarynyń biriniń jaǵajaiynda jaraqat alǵan. Jaǵajaida qaiyq soqqannan keiin onyń jaǵdaiy kúrt nasharlap, aýrýhanaǵa túsken.
Oqiǵa tirkelip, tergeý amaldary bastaldy. Qaiyqtyń iesi – 32 jastaǵy jergilikti turǵyn, al oqiǵa sátinde qaiyqty 18 jastaǵy jigit basqarǵan. 16 shildede jábirlenýshi alǵan jaraqattarynyń saldarynan qaitys boldy. Ólimniń naqty sebebin anyqtaý úshin sot-meditsinalyq saraptama taǵaiyndaldy.
Qazirgi ýaqytta Qyrǵyzstannyń Qylmystyq kodeksiniń 127-baby «Abaisyzda adam óltirý» jáne 311-baby «Temirjol, áýe nemese sý kóliginiń qozǵalysy men paidalaný qaýipsizdigi qaǵidalaryn buzý» boiynsha qylmystyq is qozǵaldy.
