Avtokólik óndirisi salasyndaǵy kásiporyndar, onyń ishinde «Alliýr» kompaniialar toby memleket tarapynan sýbsidiialanbaidy. Esesine, otandyq kásiporyndar Eýraziialyq ekonomikalyq odaq zańnamasynda qarastyrylǵan shekteýler boiynsha kedendik tólemder men ýtilizatsiialyq alymdardan bosatyldy, dep habarlaidy "Ult aqparat" Indýstriia jáne infraqurylymdyq damý ministrliginiń baspasóz qyzmetine silteme jasap.
Baspasóz qyzmetiniń málimetterine qaraǵanda, ýtilizatsiialyq alymnan bosatylǵan árbir avtokóliktiń birdei (identtik) somasyn qaitarý jáne ony tóleý mehanizmi arqyly júzege asyrylady.
"Búgingi tańda birqatar buqaralyq aqparat quralynda «Alliýr» kompaniialar tobyna 2019 jyly 21,3 mlrd teńge, 2020 jyly 40,8 mlrd teńge kóleminde memlekettik sýbsidiia berilgendigi týraly rastalmaǵan aqparat jariialandy.
Óndirýshilerdiń mindettemelerin oryndaý jónindegi basty operator retinde «Jasyl damý» AQ belgilengen bolatyn. Atalǵan kompaniiadan «Halyqaralyq qarjylyq eseptilik standarty (IAS) 20» negizinde ýtilizatsiialyq alymdy qaitarý «Memlekettik sýbsidiia» dep atalady. Bul uǵym aýditorlar arasynda osylai dep atalady. Osyǵan orai BAQ ókilderi arasynda túsinbestik týyp, nátijesinde qate aqparat jariialandy.
Joǵarydaǵy soma ýtilizatsiialyq alymnan bosatylǵan óndirýshi kompaniianyń buǵan deiin «Jasyl damý» kompaniiasyna tólegen qarjysy bolyp tabylady" - delingen habarlamada.
Búgingi tańda Indýstriia jáne infraqurylymdyq damý ministrliginde otandyq óndirýshi kásiporyndardy ýtilizatsiialyq alymnan «tólem-qaitarý» mehanizmi arqyly emes, ony tikelei iske asyrýdy qarastyratyn zańnama jetildirilip jatyr.
Taǵy bir aita keterligi, qazaqstandyq avtokólik óndirýshi kásiporyndardan ýtilizatsiialyq alymnyń alynbaýyna bailanysty elimizde shyǵarylǵan kólik baǵasyna ýtilalym qosylmaidy.
