Foto: Olympic.kz
2016 jylǵy Rio Olimpiadasynyń júldegeri Denis Ýlanov medali úshin aqshalai syiaqy aldy. Mundai sheshimdi Joǵarǵy sot shyǵardy, - dep habarlaidy Massaget.kz portaly.
"Qazaqstandyq sportshylar odaǵynyń" habarlaýynsha, mundai sheshimdi ákimshilik ister jónindegi sot alqasy shyǵarǵan.
"Denis Ýlanov 2016 jyly Rioda ótken jazǵy Olimpiada oiyndarynda medalǵa sál jetpei qaldy. Ol tórtinshi oryn alǵan edi. Alaida kóp uzamai osy oiyndardyń qola júldegeri rýmyniialyq sportshy Gabriel Synkreian doping qoldanǵany úshin jazalanyp, onyń medali avtomat túrde Deniske berildi.
Biraz ýaqyttan keiin ziltemirshi úshinshi oryn úshin tiisti syiaqysyn alý úshin Mádeniet jáne sport ministrligine júgingen, biraq oǵan vedomstvo "tólemderdi qaita qaraýǵa negiz joq" degen sebeppen ótinishin qaraýdan bas tartqan", - delingen baspasóz habarlamasynda.
Keiinirek sportshy jaǵdaidy túsindirip, sodan keiin aqshalai júldeni qaita qaraýǵa qol jetkizdi. Sportshyǵa Olimpiadada alǵan 4-orny úshin 30 myń dollar (shamamen 13,9 million teńge), al 3- oryn úshin 45 myń dollar (taǵy 20 million teńge) alýǵa quqyly bolǵan.
2023 jylǵy naýryz aiynda Mádeniet jáne sport ministrligi Ýlanovqa tólengen tólemder týraly málimdeme jasady, biraq tek Joǵarǵy sottyń sheshiminen keiin ǵana sportshy aqshalai syiaqysyn aldy.
"Bul jaǵdaidyń sheshilip, ziltemirshimizdiń júldesin alǵanyna óte qýanyshtymyn.
Dál osyndai jaǵdailarda Olga Rypakova, Dáýlet Shabanbai, Nurbaqyt Teńizbaev siiaqty belgili sportshylarymyz da óz syiaqysyn ala alady dep senemin", - dedi sport odaǵynyń tóraǵasy Azamat Qarlyǵashev.
