Qyrǵyzstannyń Tótenshe jaǵdailar ministrligi qazaqstandyq áriptesterinen Ystyqkól oblysynda tikushaqtyń apatqa ushyraýynan zardap shekkenderdi evakýatsiialaý úshin kómek surady. Bul týraly «QazAqparat» HAA-nyń menshikti tilshisine Qyrǵyz Respýblikasy TJM daǵdarys jaǵdailaryn basqarý ortalyǵynyń basshysy Muhammed Svarov aityp berdi.
«Qazaqstan tarapy suranysty qabyldady, kórshi respýblikanyń IIM tikushaq jiberdi. Qutqarýshylar mingen áskeri tikushaq kele jatyr», - dedi M. Svarov.
Eske sala keteiik, apatqa ushyraǵan MI-8 tikushaǵynyń bortynda 15 adam, sonyń ishinde toǵyz týrist bolǵan. Olardyń tórteýi zardap shekken. Tikushaq búgin tańerteń shuǵyl qonýǵa májbúr bolyp, kúshti jel saldarynan aýdarylyp ketken bolatyn.
