قىرعىزستاننىڭ تٶتەنشە جاعدايلار مينيسترلٸگٸ قازاقستاندىق ەرٸپتەستەرٸنەن ىستىقكٶل وبلىسىندا تٸكۇشاقتىڭ اپاتقا ۇشىراۋىنان زارداپ شەككەندەردٸ ەۆاكۋاتسييالاۋ ٷشٸن كٶمەك سۇرادى. بۇل تۋرالى «قازاقپارات» حاا-نىڭ مەنشٸكتٸ تٸلشٸسٸنە قىرعىز رەسپۋبليكاسى تجم داعدارىس جاعدايلارىن باسقارۋ ورتالىعىنىڭ باسشىسى مۇحاممەد سۆاروۆ ايتىپ بەردٸ.
«قازاقستان تاراپى سۇرانىستى قابىلدادى, كٶرشٸ رەسپۋبليكانىڭ ٸٸم تٸكۇشاق جٸبەردٸ. قۇتقارۋشىلار مٸنگەن ەسكەري تٸكۇشاق كەلە جاتىر», - دەدٸ م. سۆاروۆ.
ەسكە سالا كەتەيٸك, اپاتقا ۇشىراعان مي-8 تٸكۇشاعىنىڭ بورتىندا 15 ادام, سونىڭ ٸشٸندە توعىز تۋريست بولعان. ولاردىڭ تٶرتەۋٸ زارداپ شەككەن. تٸكۇشاق بٷگٸن تاڭەرتەڭ شۇعىل قونۋعا مەجبٷر بولىپ, كٷشتٸ جەل سالدارىنان اۋدارىلىپ كەتكەن بولاتىن.
