Qazaqstan telearnasy búgin 2020 jylǵy Tokio Olimpiadasynda qazaqstandyqtar qatysqan kei jarys nege kórsetilmegenin túsindirdi, - dep habarlaidy "Ult aqpart" Ulttyq arnanyń baspasóz qyzmetine silteme jasap.
Búgin qazaqstandyqtar dziýdo jarysy men taǵy birqatar saiysty telearnadan kóre almaǵan bolatyn. Dziýdoshy Eldos Smetovtiń qola medal alǵan sátin de jankúierler telearnalardan kóre almady.
"Tokio Olimpiadasyn kórsetý quqyǵy jarys bastalar ýaqytta alynǵandyqtan, sporttyq sharalardy tikelei efirde kórsetý barysynda birshama qiyndyqtar týyndap jatyr. Signaldy qabyldaityn tehnikany tekserý jáne testten ótkizýdi quqyqty satyp almai turyp júrgizý múmkin emes. Sondyqtan telearnalardyń aldyn ala daiyndyq júrgizýge múmkindigi bolǵan joq.
Tehnikalyq jaǵynan keleńsizdikterdiń týyndaý qaýpin boljai otyryp, qolda bar múmkindikpen Olimpiadanyń búgingi baǵdarlamasy efirlik kestege engizildi. Alaida jankúierler otandastarymyzdyń keibir saiystaryn tikelei efirde tamashalai almady.
"Qazaqstan" RTRK" AQ men "Habar" agenttigi" AQ qyzmetkerleri bar múmkindikterdi paidalanyp, olqylyqtardy jóndeýge tyrysyp jatyr. Signaldy testtik rejimde qabyldaý bir nemese eki kún ýaqytqa sozylýy múmkin ekenin eskerte otyryp, túsinistik tanytýlaryńyzdy suraimyz", - delingen Qazaqstan telearnasynyń Instagram jelisindegi habarlamasynda.
