Qazaqstan تەلەارناسى بٷگٸن 2020 جىلعى توكيو وليمپياداسىندا قازاقستاندىقتار قاتىسقان كەي جارىس نەگە كٶرسەتٸلمەگەنٸن تٷسٸندٸردٸ, - دەپ حابارلايدى "ۇلت اقپارت" ۇلتتىق ارنانىڭ باسپاسٶز قىزمەتٸنە سٸلتەمە جاساپ.
بٷگٸن قازاقستاندىقتار دزيۋدو جارىسى مەن تاعى بٸرقاتار سايىستى تەلەارنادان كٶرە الماعان بولاتىن. دزيۋدوشى ەلدوس سمەتوۆتٸڭ قولا مەدال العان سەتٸن دە جانكٷيەرلەر تەلەارنالاردان كٶرە المادى.
"توكيو وليمپياداسىن كٶرسەتۋ قۇقىعى جارىس باستالار ۋاقىتتا الىنعاندىقتان, سپورتتىق شارالاردى تٸكەلەي ەفيردە كٶرسەتۋ بارىسىندا بٸرشاما قيىندىقتار تۋىنداپ جاتىر. سيگنالدى قابىلدايتىن تەحنيكانى تەكسەرۋ جەنە تەستتەن ٶتكٸزۋدٸ قۇقىقتى ساتىپ الماي تۇرىپ جٷرگٸزۋ مٷمكٸن ەمەس. سوندىقتان تەلەارنالاردىڭ الدىن الا دايىندىق جٷرگٸزۋگە مٷمكٸندٸگٸ بولعان جوق.
تەحنيكالىق جاعىنان كەلەڭسٸزدٸكتەردٸڭ تۋىنداۋ قاۋپٸن بولجاي وتىرىپ, قولدا بار مٷمكٸندٸكپەن وليمپيادانىڭ بٷگٸنگٸ باعدارلاماسى ەفيرلٸك كەستەگە ەنگٸزٸلدٸ. الايدا جانكٷيەرلەر وتانداستارىمىزدىڭ كەيبٸر سايىستارىن تٸكەلەي ەفيردە تاماشالاي المادى.
"قازاقستان" رترك" اق مەن "حابار" اگەنتتٸگٸ" اق قىزمەتكەرلەرٸ بار مٷمكٸندٸكتەردٸ پايدالانىپ, ولقىلىقتاردى جٶندەۋگە تىرىسىپ جاتىر. سيگنالدى تەستتٸك رەجيمدە قابىلداۋ بٸر نەمەسە ەكٸ كٷن ۋاقىتقا سوزىلۋى مٷمكٸن ەكەنٸن ەسكەرتە وتىرىپ, تٷسٸنٸستٸك تانىتۋلارىڭىزدى سۇرايمىز", - دەلٸنگەن Qazaqstan تەلەارناسىنىڭ Instagram جەلٸسٸندەگٸ حابارلاماسىندا.
