2018 jyly qazaqstandyq UOS ardagerleriniń eshqaisysy Máskeýdegi paradqa barmaidy. Bul týraly Eńbek jáne halyqty áleýmettik qorǵaý ministrligi málimdedi, - dep habarlaidy Tengrinews.kz tilshisi.
"Paradqa baratyn qazaqstandyqtar, paradtyń ózine qatysa alatyndardy, densaýlyq jaǵdaiyna qarai bárin eskerdik. Búginde bizde paradqa qatysýǵa bastama joq (ardagerler tarapynan - red.). Biyl eshkim barmaidy", - deidi brifing barysynda vitse-ministr Svetlana Jaqypova.
Onyń sózinshe, ardagerler qalasa 9 mamyrǵa qarsy Máskeýge jylda bara alady.
"Ardager barýdy qalasa, "Jolaýshylar tasymaly" AQ TMD elderi boiynsha tegin baryp-qaitýǵa múmkindik beredi. Sonymen qatar, tegin tamaqtandyrylady. Barlyq jaǵdai jasalady", - deidi ol.
Resmi málimetter boiynsha, búginde Qazaqstanda 2 067 UOS ardageri men múgedegi (1 494 ardager jáne 573 UOS múgedegi), olarǵa teńestirilgen 39 723 adam jáne UOS ardagerlerine teńestirilgen basqa sanattaǵy adam bar.
Ministrlik málimeti boiynsha, Jeńis kúniniń 75 jyldyǵyn toilaýǵa daiyndyq bastalyp ketti.
"75 jyldyqty atap ótý sharalarynyń jospary jasalyp jatyr. TMD eldiriniń barlyǵy qansha ardager baratynyn josparlap josparlaýda", - deidi eńbek jáne halyqty áleýmettik qorǵaý vitse-ministri. Biyl UOS ardagerleri men múgedekterine bir rettik tólem retinde 2,7 milliard teńge tólendi. Sonymen qatar, qosymsha áleýmettik qoldaý retinde taǵy 2,6 milliard teńge qarastyrylǵan (jergilikti biýdjetten - 2,4 milliard jáne demeýshilerden - 207,2 million teńge).
