Foto: Instagram.com/adilkhankopabayev
Qazaqstandyq Ádilhan Qopabaev álemdegi iri korporatsiialardyń biri — Apple kompaniiasynda basshylyq qyzmetke taǵaiyndaldy, dep habarlaidy Ult.kz.
Ol Ortalyq Aziia men Armeniia óńirlerindegi qoǵamdyq saiasat máselelerine jetekshilik etedi.
2025 jyldyń 15 qańtarynda Tsifrlyq damý, innovatsiialar jáne aeroǵarysh ónerkásibi ministri Jaslan Mádiev bul taǵaiyndaý týraly áleýmettik jelidegi paraqshasynda jariialap, qazaqstandyqtyń jetistigin maqtanyshpen atap ótti.
«Ádilhan Qopabaevtyń Apple kompaniiasynda mańyzdy basshylyq qyzmetke ornalasqanyna qýanyshtymyn! Bul jetistik onyń kásibi damýyna jańa múmkindikter ákelsin. Ol endi Ortalyq Aziia men Armeniia aimaǵynyń damýyna jaýapty bolady», – dep jazdy ministr.
Ádilhan Qopabaev bul aqparatty ózi de rastady. Óziniń Instagram paraqshasynda ol:
«Apple kompaniiasynda Qoǵamdyq saiasat bóliminiń basshysy retinde jumys istei bastaǵanymdy jáne Ortalyq Aziia men Armeniia úkimetimen yntymaqtastyqty jalǵastyratynymdy qýana habarlaimyn», – dep jazdy.
Ádilhan Qopabaev 1995 jyly 9 shildede Aqtóbe qalasynda dúniege kelgen. Ońtústik Koreia men AQSh-ta bilim alǵan. Onyń eńbek joly túrli jaýapty laýazymdarmen bailanysty:
2014-2016 jyldary KazAlliance NPO (Seýl, Ońtústik Koreia) filialynyń basshysy boldy;
2016-2018 jyldary ICON halyqaralyq konsaltingtik uiymynda biznes-sarapshy qyzmetin atqardy;
2018-2019 jyldary Qazaqstan Respýblikasy Eńbek jáne halyqty áleýmettik qorǵaý ministriniń keńesshisi;
2019 jyly Qazaqstan Ulttyq Bankinde bas ekonomist boldy;
2019-2021 jyldary Qazaqstan Úkimetiniń jobalyq keńsesinde qyzmet etti;
2021-2022 jyldary Braýn ýniversitetinde zertteýshi-taldaýshy bolyp jumys istedi;
2022-2023 jyldary AQSh-taǵy Ulttyq kólik júieleri ortalyǵynda biznes-sarapshy retinde qyzmet atqardy;
2021-2023 jyldary Bostondaǵy PFPchat kompaniiasynyń bas direktory boldy.
2023 jyly ol Qazaqstanǵa oralyp, Energetika ministrliginiń «Munai jáne gaz aqparattyq-taldaý ortalyǵy» AQ bas direktory qyzmetin atqarǵan.
