فوتو: Instagram.com/adilkhankopabayev
قازاقستاندىق ەدٸلحان قوپاباەۆ ەلەمدەگٸ ٸرٸ كورپوراتسييالاردىڭ بٸرٸ — Apple كومپانيياسىندا باسشىلىق قىزمەتكە تاعايىندالدى, دەپ حابارلايدى Ult.kz.
ول ورتالىق ازييا مەن ارمەنييا ٶڭٸرلەرٸندەگٸ قوعامدىق ساياسات مەسەلەلەرٸنە جەتەكشٸلٸك ەتەدٸ.
2025 جىلدىڭ 15 قاڭتارىندا تسيفرلىق دامۋ, يننوۆاتسييالار جەنە اەروعارىش ٶنەركەسٸبٸ مينيسترٸ جاسلان مەديەۆ بۇل تاعايىنداۋ تۋرالى ەلەۋمەتتٸك جەلٸدەگٸ پاراقشاسىندا جارييالاپ, قازاقستاندىقتىڭ جەتٸستٸگٸن ماقتانىشپەن اتاپ ٶتتٸ.
«ەدٸلحان قوپاباەۆتىڭ Apple كومپانيياسىندا ماڭىزدى باسشىلىق قىزمەتكە ورنالاسقانىنا قۋانىشتىمىن! بۇل جەتٸستٸك ونىڭ كەسٸبي دامۋىنا جاڭا مٷمكٸندٸكتەر ەكەلسٸن. ول ەندٸ ورتالىق ازييا مەن ارمەنييا ايماعىنىڭ دامۋىنا جاۋاپتى بولادى», – دەپ جازدى مينيستر.
ەدٸلحان قوپاباەۆ بۇل اقپاراتتى ٶزٸ دە راستادى. ٶزٸنٸڭ Instagram پاراقشاسىندا ول:
«Apple كومپانيياسىندا قوعامدىق ساياسات بٶلٸمٸنٸڭ باسشىسى رەتٸندە جۇمىس ٸستەي باستاعانىمدى جەنە ورتالىق ازييا مەن ارمەنييا ٷكٸمەتٸمەن ىنتىماقتاستىقتى جالعاستىراتىنىمدى قۋانا حابارلايمىن», – دەپ جازدى.
ەدٸلحان قوپاباەۆ 1995 جىلى 9 شٸلدەدە اقتٶبە قالاسىندا دٷنيەگە كەلگەن. وڭتٷستٸك كورەيا مەن اقش-تا بٸلٸم العان. ونىڭ ەڭبەك جولى تٷرلٸ جاۋاپتى لاۋازىمدارمەن بايلانىستى:
2014-2016 جىلدارى KazAlliance NPO (سەۋل, وڭتٷستٸك كورەيا) فيليالىنىڭ باسشىسى بولدى;
2016-2018 جىلدارى ICON حالىقارالىق كونسالتينگتٸك ۇيىمىندا بيزنەس-ساراپشى قىزمەتٸن اتقاردى;
2018-2019 جىلدارى قازاقستان رەسپۋبليكاسى ەڭبەك جەنە حالىقتى ەلەۋمەتتٸك قورعاۋ مينيسترٸنٸڭ كەڭەسشٸسٸ;
2019 جىلى قازاقستان ۇلتتىق بانكٸندە باس ەكونوميست بولدى;
2019-2021 جىلدارى قازاقستان ٷكٸمەتٸنٸڭ جوبالىق كەڭسەسٸندە قىزمەت ەتتٸ;
2021-2022 جىلدارى براۋن ۋنيۆەرسيتەتٸندە زەرتتەۋشٸ-تالداۋشى بولىپ جۇمىس ٸستەدٸ;
2022-2023 جىلدارى اقش-تاعى ۇلتتىق كٶلٸك جٷيەلەرٸ ورتالىعىندا بيزنەس-ساراپشى رەتٸندە قىزمەت اتقاردى;
2021-2023 جىلدارى بوستونداعى PFPchat كومپانيياسىنىڭ باس ديرەكتورى بولدى.
2023 جىلى ول قازاقستانعا ورالىپ, ەنەرگەتيكا مينيسترلٸگٸنٸڭ «مۇناي جەنە گاز اقپاراتتىق-تالداۋ ورتالىعى» اق باس ديرەكتورى قىزمەتٸن اتقارعان.
