Sýret: instagram/qaz_team_official
Búgin, 20 mamyrda dziýdodan Abý-Dabi tórindegi Álem chempionatynyń ekinshi jarys kúni. Qazaqstandyq 5 sportshy týrnirdi alǵashqy ainalymdarda aiaqtady, dep habarlaidy "Ult aqparat".
66 kg salmaq dárejesinde baq synaǵan Ǵusman Qyrǵyzbaev birinshi ainalymda Tal Flikkermen (Izrail) kezdesip, beldesý erejesin buzǵany úshin saiysty aiaqtady. Osy salmaqtaǵy taǵy bir balýan Janarys Rahmetqali birinshi beldesýinde Valid Khiarǵa (Frantsiia) eskertý sany boiynsha ese jiberdi.
Al áielder kúresinde 57 kg salmaqta Baqyt Qusaqbaeva Ázerbaijan sportshysy Asel Toprakqa eskertý sany boiynsha ese jiberdi. Sonymen qatar 73 kg salmaq dárejesinde kúsh synaǵan Baqytjan Abdýrahmanov jarystyń ekinshi ainalymynda nemis sportshysy Igor Vantkege ese jiberdi. Daniiar Shamshaev moldovalyq Ádil Osmanovtan utylyp qaldy.
Aita keteiik, 19 mamyrda 48 kg salmaqta baq synaǵan Ábiba Ábýjaqynova (48 kg) 3-orynǵa talasta Túrkiia ókili Týkche Bedermen kezdesken edi. Nátijesinde qazaqstandyq sportshy aiqyn basymdyqpen jeńip, álem chempionatynyń eki dúrkin qola júldegeri atandy.
