«Atameken» óz deregin Ulttyq palataǵa jibergen 57 kólik júrgizýshi ishinen 41 júrgizýshige Ýkrainadan shyǵýǵa kómek berilgenin habarlady.
Aldaǵy ýaqytta Ulttyq kásipkerler palatasy, Qazaqstannyń Ýkraina, Polsha Respýblikasy, Belarýs, Reseidegi elshilikteri, indýstriia jáne infraqurylymdyq damý ministrligi ókilderiniń birlesken kúshimen júrgizýshiler úiine qaityp keledi.
«Ulttyq palata barlyq atsalysqan adamǵa alǵys bildiredi. Bárimiz birge 41 júrgizýshige Ýkrainadan shyǵýǵa kómektestik. Sonymen qatar júrgizýshilerimiz jolaýshy retinde Polsha shekarasyna Qazaqstannyń 3 azamatyn ákele jatyr. Qazir shuǵyl túrde taǵy 16 júrgizýshige úige qaitý úshin qaýipsiz jolmen kórshi elderge shyǵýǵa kómektesýdi sheship jatyrmyz», – dedi «Atameken» UKP Logistika jáne tasymaldaý departamentiniń direktory Murat Amrin.
Qazirgi kezde Ýkrainada qalyp qoiǵan 16 júrgizýshi ishinen: 4 júrgizýshi Chernigovte áskeri is-qimyl saldarynan shyǵa almai jatyr, 1 júrgizýshi Troebortnoe (Resei) ótkizý beketinen 70 shaqyrym jerde qozǵalyssyz tur, 2 júrgizýshi Slabojansk qalasynda, 4 júrgizýshi Polshaǵa qarai baǵyt alǵan jáne taǵy 4 júrgizýshi Harkov aýdanynda tur.
Taǵy 1 júrgizýshi Resei shekarasynan 100 shaqyrym jerde qalǵan.
