Qazaqstanda turatyn orys ultynyń ókili Dmitrii Medvedevtiń "VKontakte" áleýmettik jelisinde jazylǵan jazbaǵa jaýap berdi, - dep habarlaidy Massaget.kz.
"Qazaqstanda turatyn orys ultynyń ókili retinde aitarym, bizge bul jerde eshkim tiisip jatqan joq. Qazaqstandy jaiyna qaldyryńdarshy. Qazaqtar - únemi qonaqjailyǵymen este qalǵan halyq. Olr meni qabyldaǵandaryna alǵys aitamyn. Óz elim úshin sońǵy demim qalǵansha kúresemin. Iaǵni Qazaqstan úshin. Sondyqtan qaidaǵy joq nárseni jazýdyń qajeti joq, bizdi zábirlep jatyr degendei áńgime aitýdyń qajeti joq. Barshańyzǵa raqmet. Al qazaq halqyna bizben birge bolǵandaryna alǵys aitamyn", - deidi videodaǵy er adam.
Eske salaiyq, Dmitrii Medvedev "VKontakte" áleýmettik jelisindegi paraqshasynda Qazaqstan týraly kúmándi jazba jariialaǵan bolatyn. Kómekshisiniń aitýynsha, onyń paraqshasyna shabýyl jasalǵan.
