Saiasattanýshy Erlan Saiyrov Qazaqstan prezidenti Nursultan Nazarbaevtyń ókilettigin toqtatýyna qatysty pikir bildirdi, dep habarlaidy Sputnik Qazaqstan tilshisi.
Onyń pikirinshe, memleketti jańa basshylar basqarýy kerek.
"Elbasy bul qadamdy ýaqytynda jasady. Qazaqstandy jańa basshylar basqarýy kerek. Qazaqstan prezidenti ony búgingi úndeýinde aitty. Nursultan Nazarbaev eldi 30 jyl basqardy. Memleket basshysynyń eldi basqarý kezeńi Qazaqstan táýelsizdigi irgetasynyń qalanýymen tuspa-tus keldi", - deidi Erlan Saiyrov.
Osy oraida saiasattanýshy Qazaqstan prezidentiniń eńbegine joǵary baǵa berip, ol qashan da Qazaqstan táýelsizdiginiń arhitektory bolyp qala beretinin atap ótti.
"Muny atap ótken jón. Sebebi, shekara, elimizdegi memlekettik institýttardy qalyptastyrý máselesi bar. Munyń barlyǵyn Nursultan Nazarbaev istep shyqty. Qazaqstandy basqarý ońai bolǵan joq. Árine, onyń jumysynda kemshilikter boldy. Mysaly, saiasi jáne ekonomika salasynda. Ony jasyrýdyń qajeti joq. Degenmen Nazarbaevtyń negizgi artyqshylyǵy – ol táýelsiz Qazaqstannyń memlekettik basqarý júiesin qalyptastyrdy", - dedi ol.
Sonymen qatar Erlan Saiyrov Senat tóraǵasy Qasym-Jomart Toqaevtyń ýaqytsha prezident mindetin atqarýyna qatysty óz oiyn aitty.
"Birinshiden, ol – liberal. Ekinshiden, Toqaevtyń halyqaralyq deńgeide belgili bir yqpaly men bedeli bar. Kezinde ol BUU bas hatshysynyń orynbasary, Qazaqstannyń premer-ministri qyzmetterin atqardy. Toqaev elimizdiń ekonomikasyn jaqsy biledi, minezi jumsaq", - dedi saiasattanýshy.
Onyń pikirinshe, Qasym-Jomart Toqaevtyń bilikke kelýi – saiasi liberalizatsiiaǵa negiz bolýy yqtimal.
.jpeg)