Qazaqstanda jylý jelilerin jóndeýge úsh trillion teńgeden asa qarajat qajet. Bul týraly QR Premer-ministri Álihan Smaiylov málimdedi, - dep habarlaidy Tengrinews.kz.
Premer-ministrdiń aitýynsha, qazir úkimet jylý energetikasy týraly zań jobasyn ázirlep jatyr. 2023 jyldyń birinshi toqsanynda elimizdegi barlyq jylý elektr stantsiialary men elektr jelilerin tekserý aiaqtalady.
"Ulttyq elektr jelisin jańǵyrtý, onyń ishinde Batys Qazaqstannyń elektr jelilerin birtutas elektr energetikalyq júiesine qosý boiynsha jumystar júrgizilip jatyr. Ázirlenip jatqan "Investitsiialarǵa aiyrbas tarifi" baǵdarlamasy elektr jáne jylý jelileri men qubyrlardyń tozýyn azaitady. Ol úshin 130 myń shaqyrymnan asa injenerlik jelilerdi jóndeý jáne 3,8 trillion teńgege deiin investitsiia tartý qajet. Osy aptada tiisti erejeler bekitiledi", - dedi Smaiylov Úkimettiń keńeitilgen otyrysynda.
