Foto:ru.qaj.kz
"QazAvtoJol" Qazaqstandaǵy jol jóndeý jumystary nege uzaqqa sozylǵany týraly málimdeme jasady, - dep habarlaidy Tengrinews.kz.
"QazAvtoJol" málimetinshe, ónimdilik áleýeti joǵary bolǵanymen, jumys kestesinen artta qalý bar. Kompaniia kesteden keshigýge sebep bolǵan negizgi faktorlardy atady.
"Birinshisi - bitým tapshylyǵy. Ishki naryqty bitýmmen qamtamasyz etý boiynsha birneshe ret quzyretti beiindi memlekettik organdarmen keńester ótkizildi, onda respýblikalyq jeli arqyly jol jobalarynyń qajettilikterine bitýmdy irikteýge kómek kórsetýge basymdyq berildi, alaida búginde jol kompaniialary ótinimderin rastaýda qiyndyqtar bar.
Máselen, osy nysandar boiynsha biyl bitýmǵa degen qajettilik 59 myń tonna bolsa, is júzinde qurylys maýsymynyń aiaǵyna deiin 13 myń tonna ǵana berilgen", - delingen habarlamada.
"QazAvtoJol" kompaniiasy málimetinshe, onyń taǵy bir sebebi - qiyrshyq tasty tasymaldaityn vagondardyń joqtyǵy.
"Batys Qazaqstan oblysynda tas karerleri joq, sondyqtan qiyrshyq tasty kórshiles óńirlerden tasymaldaý qajet. Osylaisha, "Qazaqstan temir joly" UK" AQ jáne "Qaz Temir Trans" AQ ókilderimen birlesken talqylaý jáne kezdesý barysynda temirjol arqyly jol-qurylys materialdaryn tasymaldaýǵa arnalǵan vagondar sanyn kóbeitý máseleleri kóterildi, biraq tiisti nátije áli baiqalǵan joq", - delingen habarlamada.
Sonymen qatar, dizel otyny tapshylyǵy men (bar bolsa) qymbattatý máselesi bar. Kásiporyn ókilderiniń aitýynsha, jol-qurylys tehnikasy iri bolsa, kúnine shamamen 100-130 tonna dizel otynmen qamtamasyz etý qajet.
"Joǵaryda aitylǵandarǵa bailanysty Memleket basshysynyń tapsyrmasyn oryndaý aiasynda "QazAvtoJol "UK" AQ osy jobalardy tabysty iske asyrý úshin barlyq múmkin sharalardy qabyldap jatyr, alaida osy sebepterge bailanysty tapsyrmalardy oryndai almai qalý táýekeli bar", - dep qorytyndylady baspasóz qyzmeti ókilderi.
